Pamjet e ‘përleshjes’ së Gjestit me Eglin gjatë lojës shqetësojnë fansat

Një lojë e zhvilluar mes Eglit dhe Gjestit brenda shtëpisë së Big Brother VIP Albania 4 ka ngjallur reagime të shumta nga ndjekësit e spektaklit.

Pamjet e publikuara në rrjetet sociale tregojnë se si dyshja, në formën e një shakaje, “luftojnë” me njëri-tjetrin në lavanderi, por situata duket se ka dalë jashtë kontrollit për disa momente.

Teksa tentonin të ngacmonin fizikisht njëri-tjetrin, në një moment Gjesti e kap nga fytyra Eglin, duke shkaktuar reagimin e menjëhershëm të disa banorëve.

“Jo, jo ashtu”, dëgjohen duke thënë ata, duke sinjalizuar që situata mund të kishte kaluar kufirin e një loje të zakonshme. Pas kësaj, përplasja mes tyre u ndërpre.

Kjo ngjarje ka sjellë ndarje mendimesh mes fansave të reality show-t. Disa e kanë parë si një situatë të parrezikshme dhe pjesë të dinamikës së shtëpisë, ndërsa të tjerë kanë shprehur shqetësim mbi mënyrën se si u zhvillua ndërveprimi mes tyre.

Në orët e para të mëngjesit, një grup vajzash – Danja, Valbona, Loredana dhe Egli – vendosën të krijojnë një atmosferë lozonjare duke ngacmuar shokët e tyre të shtëpisë me miell.

Një nga “viktimat” e tyre ishte këngëtari Gjesti, i cili ishte në gjumë kur e ndjeu miellin të binte mbi të.

Pa hezitim, ai vendosi të hakmerret në mënyrën e tij duke ua kthyer të njëjtin veprim dhe duke i spërkatur vajzat me miell në fytyrë.

Shakaja e tyre u përhap shpejt në të gjithë shtëpinë, duke bërë që pothuajse çdo cep të mbulohej me miell. Kjo situatë e pazakontë detyroi Vëllain e Madh të ndërhynte menjëherë, duke organizuar një pastrim të detyrueshëm për vajzat që e kishin nisur gjithë rrëmujën.

Kjo skenë humoristike u prit me të qeshura nga shikuesit, të cilët e komentuan në rrjetet sociale si një nga momentet më argëtuese të këtij edicioni të ‘Big Brother VIP Albania’.

revista.one/