Pas arratisjes, zarf i zi për Gjestin: Më erdh me dalë…

Vëllai i Madh ka dërguar një zarf të zi për Gjestin, si pasojë e shkeljes flagrante të rregullave.

Pas spekulimeve dhe diskutimeve të shumta në rrjete sociale mbi faktin se Gjesti ka kaluar murin e oborrit.

Përmbajtja e zarfit të zi:
“Banorë, Vëllai i Madh ju njofton se Gjesti ka shkelur rregullat duke kaluar murin e oborrit. Ai është hedhur në rrethimin e dytë brenda perimetrit të shtëpisë, i cili është po ashtu 24 orë nën monitorimin e kamerave dhe stafit të sigurisë. Vëllai i Madh e ka rikthyer Gjestin menjëherë brenda pasi ai është siguruar se gëzon shëndet të plotë. Të shtunën në ‘live’ do të njoftoheni për detajet dhe vendimin e marrë”.

Sipas rregullave të formatit, kalimi i perimetrit të shtëpisë përbën një shkelje të rëndë, e cila në rastet e mëparshme ka sjellë përjashtime të menjëhershme.

Ndërkohë, fansat në rrjetet sociale po spekulojnë mbi fatin e Gjestit në lojë, duke pritur vendimin përfundimtar që do të bëhet publik gjatë spektaklit të së shtunës. A do të përjashtohet ai nga gara apo do të marrë një penalizim më të lehtë? Kjo mbetet për t’u parë në natën ‘prime’.

Egli e pyet Gjestin: “Çfarë pate?”, ndërsa Gjesti përgjigjet me ndjenja të sinqerta: “Veç mu ngushtua brenda… zemra, me bo diçka, më erdh [dëshira] për me dalë”.

Këto fjalë tregojnë tensionin dhe presionin që ndjen Gjesti pas pesë muajve të plotë në izolim, duke qenë nën vëzhgimin e kamerave që nga tetori.

revista.one/