Përballja, Shqipja: Nuk t’i harroj ato që më ke bërë, Tea!

Tea dhe Shqipja, ish-konkurrentet e “Për’puthen” ishin të ftuara në rubrikën “Trotuar” në emisionin “E diell”. Ato do të diskutonin për negativitetin e madh të publikut ndaj figurave të ekranit.

Biseda mes vajzave nisi menjëherë me tone të larta. Shqipja tha se Teas nuk do ja fal kurrë ato që ka thënë për të në emision. Ajo me ironi u shpreh se Tea ka qenë vetëm e vërteta e vetes.

“Nuk mund ta kthejmë të keqen me të mirë, këtë e kemi parë. Ti çfarë nuk ke thënë për mua brenda atij programi. Dhe në mënyrën më të shëmtuar më ke gënjyer sy për sy. Tea unë ty këto nuk t’i harroj. Do t’i mendosh, do t’i elaborosh dhe do vish të m’i thuash.

Ajo ka qenë e vërteta e vetes së vet. Vetëm me veten tënde ke qenë e vërtetë, vetëm me gjërat që ke bërë ti ke qenë e vërtetë”, tha Shqipja drejtuar Teas.

Shqipja i doli në mbrojtje autores së “Për’puthen”, Olsa Muhametit. Sipas saj, Tea dhe Andi kanë zgjedhur vetë që të gënjejnë publikun.

“Olsa të thoshte bëj video nusja dhe dhëndri dhe shko me pushime, që dole aty me ato flokët e shpupurisura. Nuk mund të hedhësh baltë tek kush të duash ti, me të tjerët po, por jo me mua”, tha Shqipja.

Sot dy vajzat u përballën për herë të parë me njëra-tjetrën në ekran, qysh nga largimi nga programi “Për’puthen”.

Shqipja ndau dje, në InstaStory një foto të edituar nga fansat, ku shfaqej portreti i bashkuar i të dyja vajzave. Shqipja e identifikoi veten si vullkan, teksa Teas i vendosi një akull. /revista.one/