“Po të dua e bëj të qaj”, Jozi detyron Gjestin të marrë valixhen me rroba

Një video që po qarkullon në rrjetet sociale ka ngjallur polemika mes ndjekësve të Big Brother VIP Albania.

Në pamjet e publikuara, Jozi, Gerta dhe Aldo shihen duke diskutuar në kuzhinë rreth Gjestit, ndërsa Jozi bën deklarata të forta ndaj tij.

“Po t’i hyj Gjestit, me këto fiksimet e ngacmimet e veta, për këtë natë, po s’e bëra për një javë të ikë me vrap, e bëj të qajë”, dëgjohet të thotë Jozi, duke lënë të kuptohet se mund ta vërë në presion psikologjik.

Ai shton më tej se nuk do ta linte të flinte dhe as të hante bukë.

Gerta ndërhyn duke i thënë se ai vetëm flet, por nuk do t’i bëjë ato gjëra, ndërsa Jozi e vijon kritikat ndaj Gjestit.

“Pse flet budallallëqe kur nuk e bën këtë gjë?”, duke lënë të kuptohet se ajo nuk beson se Jozi do të veprojë vërtetë ashtu siç thotë.

Jozi vazhdon edhe kritikon të folurit e Gjestit, duke thënë se nuk ka fjalë.

Videoja ka ngjallur reagime të shumta, me ndjekësit që e kanë dënuar ashpër qasjen e Jozit ndaj Gjestit, duke e akuzuar për qëndrim të ashpër dhe të panevojshëm.

Më pas ka ndodhur një incidenti i ashpër mes Gjestit dhe Jozit për disa shapka që është përshkallëzuar.

Gjithçka nisi kur Gjesti kërkoi shapkat që po përdorte, të cilat i përkisnin Shkëlzenit, por që Jozi i kishte marrë nga krevati i tij.

Kur Gjesti e kuptoi se shapkat nuk ishin aty ku i kishte lënë, ai iu drejtua Jozit për t’i kërkuar, por kjo e fundit refuzoi t’ia kthente.

I irrituar nga situata, Gjesti reagoi në mënyrë drastike duke marrë të gjithë valixhen e Jozit dhe duke e tërhequr zvarrë deri në oborrin e shtëpisë.

Teksa vepronte kështu, ai i tha Jozit: “Jo të gjitha gjërat, jo ato personale”.

Megjithatë, Gjesti argumentoi se edhe shapkat ishin sende personale dhe vazhdoi të justifikonte veprimin e tij: “Nuk deshe të m’i japësh shapkat. Vetë po më ngucni, o vëlla, unë s’po bëj gjë”.

Ai shtoi se ky nuk ishte incidenti i parë dhe se shpesh herë ai provokohet nga banorët, të cilët i marrin sendet pa leje, duke e detyruar të reagojë në këtë mënyrë.

Ky incident ka shkaktuar një reagim të madh brenda shtëpisë, ndërsa banorët e tjerë po përpiqen të qetësojnë situatën dhe të shmangin përshkallëzimin e mëtejshëm të konfliktit.

revista.one/