Prokuroria kërkon burg për Princ Lekën, ja çfarë vendosi për Elian dhe babanë e saj

Prokuroria e Tiranës kërkon të dënojë Princ Lekën me 1 vite e 6 muaj burg për dhunë në familje.

Dënimi është kërkuar të konvertohet në shërbim prove. Akuza i thotë gjykatës të dënojë edhe Gjergj Zaharinë me 1 vit burg ku do ti konvertohet në shërbim prove.

Prokuroria e Tiranës përfundon shqyrtimin e episodit të dhunës në Oborrin Mbretëror dhe kërkon që të shpallen fajtor Princ Lekës, ish-bashkëshortes Elia Zaharia dhe babait të saj Gjergj Zaharia.

Mësohet se organi i akuzës kërkon 15 muaj burg për Leka Zogun. Duke aplikuar nenin 59 të Kodit të Procedurës Penale ky dënim të pezullohet në 20 muaj shërbim prove. Gjithashtu Prokuroria kërkon 8 muaj shërbim prove për Elia Zaharinë dhe 16 muaj shërbim prove për babanë e saj Gjergj Zaharia. Dënimin më të lartë e ka Princ Leka, i cili sipas prokurorisë akuzohet për dy episode dhune një ndaj Elias dhe një ndaj babait të saj.

Të tre personat, të cilët akuzohen për “dhunë në familje”, u gjykuan me procedurën e gjykimit të shkurtuar. Seanca për shpalljen është në 13 dhjetor ku vendimi do jepet nga gjyqtarja Migena Laska.

Episodi i dhunës në familjen mbretërore u bë publik përmes një video në rrjet dhe gjithçka ndodhi brenda Pallatit Mbretëror në rrugën “Murat Toptani” pasditen e 5 marsit 2024. Ndërkohë, më 25 prill Gjykata e Tiranës vendosi zgjidhjen e kurorës martesore mes Princ Lekës dhe aktores së njohur. Leka Zogu ka pranuar nga ana e tij, që vajza 3-vjeçare të lihet nën kujdesin e nënës, Elia, për t’u përgjigjur për kujdesin dhe edukimin e saj.

revista.one/