Rita Ora interpreton një cover të Kate Bush, por merr reagime negative për ndryshimet, ja ç’mendon bashkëshorti Taika

Këngëtarja Rita Ora bëri një interpretim për të mos u harruar të ‘Running Up That Hill’ të Kate Bush si pjesë e një koncerti të fundit në Brazil. Ajo vendosi të mos i përmbahej melodisë origjinale të Kate Bush-it, por provoi diçka të re, duke vënë në lëvizje melodinë klasike të viteve ’80.

Një klip i performancës u shpërnda më pas në llogarinë zyrtare në Twitter të gazetës braziliane BCharts, me videon që sigurisht ndezi shumë komente në internet negative në rrjet. Këto reagime vijnë nga nostalgjikët e muzikës së viteve ’80 që nuk arrijnë të pranojnë stilin unik të Rita Orës. Këngëtarja shqiptare nuk mund të interpretonte në të njëjtin stil si Kate Bush, por e bëri me stilin e vet artistik.

Po bashkëshorti i saj çdo të thoshte në këtë rast?

Duke folur për filmin e tij të ri, ku ai është regjisor, Taika u pyet: “A mund të bëjnë ‘Love and Thunder’ për ‘Guns & Roses’ atë që ‘Stranger Things’ bëri për Kate Bush?”.

Nëse nuk e dini, ‘Thor: Love and Thunder’, filmi i drejtuar nga Taika , përmban muzikë nga grupi legjendar, ‘Guns & Roses’.

Në përgjigjen e tij Taika tha: “Do të thuash se si e shkatërruan Kate Bush ? Unë e dua atë serial, por si dikush mund të ndiejë vërtetë muzikën e Kate Bush … jam shumë i mërzitur! Unë jam bërë një nga ato njerëzit e vjetër që thonë: “Këta fëmijë nuk e kanë dëgjuar kurrë Kate Bush , ata kanë dëgjuar një këngë në një shfaqje televizive! Ata nuk e njohin Kate Bush! Unë e njoh Kate Bush!’”

Kujtojmë se këngëtarja dhe kantautorja angleze 63-vjeçare u ngjit në krye të top-listave javët e fundit, falë vendosjes së hitit të saj të vitit 1985 “Running Up That Hill (A Deal With God)” në një skenë kyçe nga sezoni i katërt i serialit ‘Stranger Things’, duke thyer të gjitha rekordet.

revista.one/