Robbie Williams pritet të vijë në Shqipëri për 20 vjetorin e “Netët e Klipit Shqiptar”

Robbie Williams do të vijë në Shqipëri? Këtë lajm e jep regjisori dhe producenti Petri Bozo. i cili ishte i ftuar në programin “Ditë pas Dite”, nga Fjodora Fjora.

Gjatë bisedës, ai tregoi se “Netët e Klipit” do të fillojnë në muajin prill dhe sigurisht që finalja e madhe do të jetë një spektakël gjigant ku do të ndahen edhe çmimet.

Spektakli ka nisur që në vitin 2002 dhe ky është viti i 19-të që po realizohet.

Gjatë bisedës, u fol gjithashtu edhe për siglën e veçantë që e shoqëron prej vitesh dhe Bozo zbuloi një surprizë shumë të bukur që ka rezervuar për 20 vjetorin e spektaklit.

Ai po punon për të sjellë Robbie Williams në Shqipëri.

“Në 20 vjetor jam në tentativa që ta ftoj Robbie Williams në Shqipëri, ose aty ku do të bëjmë finalen sepse lajtmotivi që unë e fillova këtë muzikë ishte sepse timbri i zërit tim ishte pothuajse i ngjashëm me të”- u shpreh regjisori. revista.one/