Romanca e re/ Sara Hoxha fotografohet në plazh me Erik Fullanin

Ish-banorja e Big Brother, Sara Hoxha, është fotografuar së fundmi në bregdet nën shoqërinë e biznesmenit Erik Fullani, duke nxitur edhe më tej spekulimet për një lidhje të re dashurie.

Në një foto të publikuar nga mediumi Anabel, dyshja shihen të relaksuar dhe mjaft të afërt gjatë një dite në plazh, duke dhënë sinjale të qarta se mes tyre ka më shumë sesa një miqësi të zakonshme.

Prania e tyre pranë njëri-tjetrit, në një atmosferë intime dhe të qetë, ka mjaftuar që ndjekësit të shpërthejnë me komente në rrjete sociale.

Pas ndarjes së saj nga reperi i njohur Ledri Vula, me të cilin Sara kishte një marrëdhënie disa vjeçare dhe një vajzë të përbashkët, duket se modelja po i rikthehet qetësisë dhe lumturisë në jetën e saj personale.

Zërat për një romancë të mundshme mes Sarës dhe Erikut kanë qarkulluar prej kohësh në media rozë, por kjo paraqitje publike së bashku në plazh mund të jetë një nga sinjalet më të qarta deri tani që konfirmojnë lidhjen.

Asnjëri prej tyre nuk ka bërë ende një deklaratë zyrtare në lidhje me statusin e marrëdhënies, por duket se veprimet e tyre “flasin” më shumë se fjalët.

revista.one/