Sarah Berisha flet për marrëdhënien me DJ PM: Është shumë herët për bashkëjetesë apo fejesë

Blogerja Sarah Berisha fitoi simpatinë e publikut gjatë qëndrimit në shtëpinë e Big Brother VIP dhe ishte ndër banoret më të dashura brenda.

Edhe pas daljes nga shtëpia e famshme, Sarah është mjaft e komentuar, kjo edhe për shkak të romancës me DJ PM me të cilin u lidh gjatë BB VIP. Në një intervistë të fundit në “Prive”, blogerja nga Shqipëria ka folur sërish për marrëdhënien e saj me DJ nga Kosova, por edhe raportet me ish-banorët e tjerë.

“Më ka rritur shumë si person dhe profesionalisht, një nga arsyet pse hyra në Big Brother VIP ishte t’i bëja shqiptarëve të kuptonin punën që unë bëjë, ta vlerësonin këtë punë, sepse një nga komentet që kam marrë brenda që edhe më kanë ofenduar është se je kot për atë format, ditë pas dite që unë jam jashtë po e vërtetoi të kundërtën”, ka thënë Sarah.

Ndërkaq, për lidhjen me DJ PM, ajo u shpreh se çdo gjë po shkon mirë mes tyre dhe se ata kalojnë shumë kohë me njëri-tjetrin pavarësisht distancës.

“Të jem realiste jemi siç mund të jetë një çift, ka ato luhatjet e veta do të thotë një herë jemi shumë mirë, një herë zihemi, ka ditë që mund të mos flasim për disa orë, sepse vaj askush nuk shkon, nëse ka një çift që shkon mirë mendoi që nuk ka as dashuri, as xhelozi, ne jemi mirë, kalojmë shumë kohë me njëri-tjetrin, të gjithë na pyesin si ia bëjmë me pjesën e distancës pasi PM jeton në Prishtinë dhe unë në Tiranë, por ne nuk e ndjejmë këtë”, tha tutje ajo.

Edhe pse lidhje e tyre është në rrugën e duhur, ata mendojnë që është shumë herët për të bërë një hap më shumë në marrëdhënie e tyre.

“Mendoj që lidhja jonë ka nisur pas Big Brother, dhe kemi diku dy muaj që po e përjetojmë lidhjen jashtë kamerave dhe syrit të publikut dhe është shumë herët për të folur për bashkëjetesë, për fejesë, martesë apo fëmijë dhe mua më duken pak të tepërta, nuk i kemi diskutuar dhe është shumë e larg kjo”, deklaroi Sarah.

Blogerja simpatike e cila krijojë shoqëri me Donald Veshaj gjatë Big Brother VIP foli edhe për raportet e saj me aktorin dhe ish-partneren e tij, Beatrix Ramosaj, e cila tha se ka raporte të mira me ta, por kontaktet pas përfundimit të spektaklit janë më të pakta me dy ish-banorët.

“Beatrix e kam takuar vetëm në prime dhe post Big Brother, nuk kemi folur shumë dhe thjeshtë kemi shkëmbyer disa mesazhe, por raportet me të janë shumë normale dhe kur jemi takuar në finale kemi diskutuar për intervistat, kemi sqaruar çdo gjë, ndërsa sa i përket Donaldit jam takuar vetëm në natën finale dhe në festën me të gjithë banorët, nuk kam patur më kontakt me të deri diku e kuptoi se është ndër banorët që ka patur më së shumti presion, por shpresoj dhe besoj që do flasim më vonë”, është shprehur ndër tjera Sarah.

Ndërkohë, kujtojmë që Sarah tashmë ka nisur një projekt televiziv në rolin e moderatores në emisionin “Kosherja Show”.  revista.one/