“Sjellje bullizuese e patolerueshme”, tjetër zarf i zi në shtëpinë e BBV, anulohet televotimi

Tjetër zarf i zi në shtëpinë e Big Brother Vip Albania! Zarfi do të hapet ditën e nesërme, ndërkohë që është anuluar televotimi.

“Për shkak të sjelljeve bullizuese, denigruese dhe të patolerueshme, Vëllai i Madh ju njofton se ka vendosur të anullojë televotimin aktual.

Në show-n e së martës, do t’ju komunikohen masat ndëshkuese që Vëllai i Madh ka ndërmarrë”, bëhet me dije në zarfin e zi.

 Emisonin e kaluar, pas Gertës në televotim kaluan Valbona, Bernardi, Livia, Xumi dhe Klajdi.

Mirëpo, kush është më i rrezikuari nga 6 personazhet e mësipërme për javën që vjen?

“Mendoj se në rrezik për javën e ardhshme janë Xumi dhe Klajdi“- tha opinionistja Neda Balluku.

Nga ana tjetër, Arbri mendon se personazhi që rrezikon më tepër për t’u larguar nga shtëpia është Bernardi, Xumi dhe Klajdi.

Klajdi është më i rrezikuari edhe sipas Zebërvokit, i cili si ish-banor argumentoi se e penalizon pasiviteti që Klajdi ka për lojën përballë banorëve të tjerë në format.

Mirëpo, nga situatat e zhvilluara së fundmi në shtëpi, duket se sonte mund të penalizohet G-Bani, për shkak të përplasjeve me Gjestin.

revista.one/