Skena e filmit/ Arjola Demiri rrëfen se si e pritën në Tropojë puthjen me Bujar Asqeriun: Shkalloi farefisi…

Arjola Demiri ka rrëfyer në Big Brother VIP për sfidat me të cilat është përballur gjatë jetës së saj personale dhe profesionale. Ajo kujtoi një rast kur ishte paragjykuar nga mbarë familja e saj, për një rol filmik, në të cilin ajo duhej të puthte një aktor tjetër mashkull.

Bëhet fjalë për filmin “Njerka”, në të cilin aktorja me prejardhje nga Bajram Curri, duhej të puthte aktorin Bujar Asqeriu.

Gjatë një bisede me banoren tjetër të shtëpisë, Einxhelin, Arjola ka treguar se si fisi i saj kishte “shkalluar”, me të parë skenën intime të filmit.

“Një shtëpi shkalloi. Bëra filmin ‘Njerka’, që isha në film me Bujar Asqeriun që puthesha, shkalloi farefisi. Edhe mami më thoshte; çfarë faji kam unë…. I thashë mamit se në momentin që askush edhe nëse më kanë zgjatur dorën edhe më kanë thënë më kërko… Jemi shumë të lidhur edhe i thashë në momentin që ky është profesion dhe ka edhe këtë edhe më keq!”, ka treguar aktorja tropojane.