Stjuardesa shqiptare e linjës Tiranë Londër ndërron jetë në aeroportin anglez 

Një 24-vjeçare shqiptare e cila punonte si stjuardesë ka ndërruar jetë tragjikisht me datë 21 Dhjetor të këtij viti.

E reja e identifikuar si Greta Dyrmishi ka pësuar infarkt gjatë udhëtimit me linjën ‘Air Albania” nga Tirana drejt Londrës. Ajo ka humbur ndjenjat kur aeroplani sapo kishte mbërritur në Aeroportin Stansted në Angli.

Në respekt të Gretës dhe familjes së saj “Air Albania” vendosi ta ndajë lajmin me publikun në një moment  të përshtatshëm.

“Më 21 Dhjetor, pasi zbritëm të gjithë udhëtarët e fluturimit drejt Londrës, një nga anëtarët e ekipit të kabinës, Greta  Dyrmishi pësoi atak kardiak. Pavarësisht të gjithë asistencës mjekësore të ofruar në moment, ne përsëri e humbëm. Air Albania ka kontaktuar familjen e saj që në momentet e para dhe vazhdojmë të jemi pranë tyre në këto momente të vështira. Në respekt të Gretës dhe familjes së saj ne vendosëm ta ndajmë lajmin me publikun në momentin më të përshtatshëm. Në do ta kujtojmë gjithmonë Gretën si një profesioniste të pasionuar, një bashkëpunëtore të shkëlqyer dhe mikeshë shumë të mirë e të gjithëve ne. Me besimin se ajo sot gjendet mes mëshirës së Zotit, Air Albania do të vazhdojë t’i qëndrojë pranë familjes”, mesazhi i Air Albania.

revista.one/