Stresi vetëdorëzohet në Policinë e Pejës

Prej kohësh i kërkuar nga Policia e Pejës për sherrin e bujshëm të ndodhur në një klub nate në Pejë, reperi i njohur Stresi ka vendosur që t;i japë fund arratisë. Ai ëhtë vetëdorëzuar mëngjesin e sotëm në Policinë e Pejës.

Lajmi është bërë me dije nga zëdhënësi i Policisë për rajonin e Pejës, Dritan Rugova. Ky i fundit ka deklaruar se reperi është paraqitur rreth orës 9 të mëngjesit së bashku me avokatin e tij.

“Rreth orë 9:00, personi i kërkuar Arkimed Lushaj është vetëdorëzuar në polici së bashku me avokatin e tij. I njëjti ishte shpallur në kërkim nga policia para disa javësh”,u shpreh ai.

Në këtë incident dyshohet se ishin të përfshirë po ashtu edhe reperi Noizy dhe DJ i këtij të fundit,  të cilët po ashtu ishin arrestuar dhe liruar me vendim të autoriteteve kosovare.

Sakaq Prokuroria në Pejë i ka caktuar reperit Stresi, masën e paraburgimit prej 48 orësh. Këtë e bëri të ditur zëdhënësi i Policisë së Kosovës për Rajonin e Pejës, Driton Rugova.

“Me vendim të prokurorit, është dërguar në mbajtje për 48 orë”, deklaroi Rugova.

revista.one/