Surpriza në “Për’puthen”, ish-e dashura telefonon Ndriçimin në takimin me Lindën

Mbrëmë në emisionin “Për’puthen 40+” ishte radha e takimit të Ndriçimit me Lindën. Ata kanë krijuar pëlqim për njëri-tjetrin. Të dy po shfaqin çdo herë e më shumë afrimitet.

Për t’i hequr emocionet Ndriçimit, Linda e ftoi atë në një kërcim.

Teksa bisedonin me njëri-tjetrin, papritur Ndriçimin e telefonoi ish-e dashura e tij.

Telefonin e kishte në dorë Linda, e cila u befasua nga kjo telefonatë. Ajo e provokoi Ndriçimin, duke e pyetur nëse mund t’i përgjigjet.

Ai ia la në dorë Lindës të vepronte si të donte. Ajo vendosi ta refuzojë

Ai sqaroi se në telefon nuk ishte ish-gruaja, pasi me të kishte 20 vite që ishte ndarë. Ishte ish-e dashura që kishte 2 muaj që ishte ndarë.

Ai tregoi se disa ditë më parë, ajo i kishte dërguar një mesazh ku i shkruante se kishte harruar disa gjëra në shtëpinë e tij. Ai u shpreh se besonte që kjo ishte arsyeja pse ajo e kishte telefonuar.

Megjithatë, asnjëra prej konkurrenteve nuk i besoi plotësisht fjalët e tij.

/revista.one/