Surpriza për Shën Valentinin, publikohet kënga që Luizi i ka dedikuar Kiarës

Tashmë pritjes i erdhi fundi, surpriza më e madhe e Luizit për Kiarën është një këngë dedikuar asaj.

Në faqen Zyrtare të Top Channel në YouTube është publikuar kënga me fjalët e ndjera, të cilat simbolizojnë lidhjen e tyre të dashurisë.

Banori i shtëpisë më të famshme në Shqipëri prej disa ditësh po tregonte për një surprizë, e cila do të fiksonte dashurinë që ai ka për Kiarën.

Kënga është xhiruar në ambientet e brendshme të Big Brother VIP, ndërsa videoklipi është mbushur me momentet më të veçanta të çiftit.

“Merri sytë e mi, shikoje veten ti tek unë. Veç du me të mbajt në krah … ta dëgjosh ti zemrën time”, i drejtohet Luizi.

Lidhja e Luizit dhe Kiarës ka bërë shumë bujë dhe mbetet kryefjala e diskutimeve prej shumë kohësh. Fillimisht ka marrëdhënia e tyre nuk ka qenë shumë e mirë, por më pas Luizi arriti ta bëjë për vete Kiarën.

Përgjigjen e shumëpritur banori e morri në dasmën që u realizua brenda shtëpisë, me anë të një puthjeje. Që prej asaj nate ata po shijojnë në maksimum dashurinë e tyre me momente romantike.