Tension mes Laertit dhe Valbonës: Aktori kap banoren për ta puthur, habit reagimi i saj

Një moment tensioni i pazakontë ka ndodhur mes Laertit dhe Valbonës në shtëpinë e Big Brother VIP Albania.

Marrëdhënia e tyre, herë e afërt e herë e ftohtë, ka qenë shpesh objekt diskutimesh, sidomos pasi Valbona ka kërkuar që Laerti të tregojë ndjenjat e tij ndaj saj. Pas disa skenave të mëparshme ku Laerti ka puthur Gjestin gjatë një sfide dhe më pas edhe Jozin, Valbona u ndie e revoltuar.

Ajo i tha aktorit: “Unë e kam shok Jozin dhe duhet të rri me dikë. Ti nuk erdhe tek unë, isha sot vetëm gjithë ditën”.

Laerti u përgjigj duke e pyetur nëse kishte pakënaqësi ndaj tij, ndërsa Valbona vazhdoi: “Nëse ti më do dhe thua ‘e dua këtë vajzë’, mbaje dhe tregoje”.

Në një moment kulminant, Laerti u ngrit në këmbë dhe u përpoq ta puthte Valbonën, por ajo largoi fytyrën duke qeshur.

Aktori insistoi: “Pse s’më le të të puth?”, por Valbona iu përgjigj qetësisht: “Të puth kur të dua unë”.

Pavarësisht këmbënguljes së Laertit, Valbona nuk e lejoi të vazhdonte.

Në fund, Laerti i tha: “Dëshiron të rrish me shtëpinë, por shtëpia nuk të do”.

Ky moment ka ngjallur diskutime të shumta, duke ngritur pikëpyetje mbi marrëdhënien mes tyre dhe dinamikat në shtëpi.

Ndërkohë, Valbona është përlotur mbrëmjen e sotme në shtëpinë e “Big Brother VIP 4”, gjatë një bisede me Jozin. Banori i thotë se ‘se po vuan shumë nga njerëz që nuk ia dinë vlerat dhe nuk ia kanë ditur kurrë’.

Jozi e ka fjalën për Laertin, me të cilin Valbona mbrëmë ka patur një debat me të dhe ditën e sotme i ka mbajtur qëndrim duke mos i folur.

“Nuk ke faj Bona, je duke vuajtur shumë. Je duke vuajtur shumë nga disa njerëz që nuk e di domethënë. Në vend që kanë fatin që je aty në rrethin e vet, nuk po ti dinë vlerat as nuk ti kanë ditur kurrë. Qofsh ti që je që po duron”, i thotë Jozi.

Teksa në një moment qeshin të dy, Jozi thotë: “Të betohem nuk është për të qeshur”, ndërkohë Valbona ia pret:

“Të betohem që jam lodhur nga kjo situatë”.

“Ja si qesh ai i pafytyri, ti qan ai qesh”, thotë Jozi teksa sheh Laertin që po qesh nga ana tjetër.

revista.one/