“Ti do shkosh në finale”/ Luizi i ‘premton’ Jorit: Efi nuk ka shans të fitojë

Jori është banorja e radhës që i premtohet finalja nga Luizi. Ky i fundit shpesh herë u ka thënë banorëve të ndryshëm se do i marrë ata në finale.

Mbrëmjen e kaluar, pas spektaklit, Luizi e pyeti Jorin nëse ajo do kishte dëshirë të mbërrinte deri në finale.

Jori tha se ajo që kur është futur në shtëpi, nuk ka hyrë me atë qëllim, por do kishte dëshirë të shkonte deri në natën finale.

Sipas saj, nëse dikush nga banorët që kanë mbetur në shtëpi gabon, atëherë lirohet një vend për të në finale.

Luizi i tha Jorit se ai do rregullojë një vend për të në finale. Kjo e fundit buzëqeshi dhe nuk e ngacmoi më shumë atë. Pritet të shihet në ditët në vijim nëse premtimi i Luizit është bosh si në të gjitha rastet e tjera, apo nëse këtë herë, vërtetë do e mbajë fjalën.

Sipas Luizit në finale mund të shkojë Qetsori dhe se këtë gjë thjesht e mendon dhe nuk e ka nga dëshira.

Kristi u shpreh se kur dikush shpreh një mendim, do të thotë që e dëshiron atë gjë. Sipas Luizit, nëse ai shkon në finale me Kristin dhe Qetsorin, e ka të sigurt fitoren dhe nëse shkon me Dean dhe Nitën, ka dyshime.

Sa i përket Efit që mbrëmjen e kaluar u shpall finalistja e dytë, Luizi shprehu bindjen se ajo nuk ka asnjë shans ta fitojë garën e Big Brother Vip 2.

Sipas tij, Efi u shpall finaliste për vetë faktin se është karakter i fortë, që krijon debate dhe situata në shtëpi, por vetëm kaq.