“U shkëmbeva me Luiz Ejllin në ashensor, e pashë me biberon në gojë”

Egla Ceno e ftuar në “Top Arena”, gjatë një interviste me Erjola Doçin ka treguar se jeton në një pallat me Luiz Ejllin dhe këtë e ka zbuluar vetëm disa ditë më parë, kur u shkëmbyen në ashensor.

Erjola Doçi: Kam dëgjuar që jeton, në një pallat, në një lagje me Luiz Ejllin.

Egla Ceno: E kisha dëgjuar dhe unë. Para dy-tre ditësh u shkëmbeva në ashensor, unë po hipja ai po ngjitej me një biberon në gojë. I thashë po ti këtu? Më tha kam shtëpinë këtu.

Erjola Doçi: Nuk të la biberoni dhe në Big dhe jashtë Bigu-t, të ndjek Egla.

Egla Ceno: Po sepse ai është bërë baba.

Erjola Doçi: E ke vizituar?

Egla Ceno: Jo unë e mora vesh aty, kur u shkëmbyem. Më kishin thënë ata të lagjes që kemi Luizin, por e kam parë vërtet para dy ditësh në ashensor dhe i kam thënë mirëserdhe në lagje. Unë e kam thënë edhe gjatë Big-ut që kem i një lagje të mrekullueshme, një komunitet që bëhemi bashkë, kujdesemi për njëri-tjetrin etj.

Egla Ceno ka treguar se jo me të gjithë banorët e BBV3 ka pasur kontakte.

Sipas saj vetëm disa prej tyre e kanë telefonuar, ndërsa me Jul Dedën jo. Ajo tregon se ka pritur një telefonatë prej tij për ta pyetur si është pas një incidenti që ndodhi në prapaskenat e Post Big Brother dhe lëndoi këmbën, por kjo gjë nuk ndodhi.

Erjola Doçi: Nëse do flisje në telefon me Jul Dedën çfarë do i thoshe?

Egla Ceno: Si je? Pse nuk je bërë i gjallë? Unë kam patur një incident që të gjithë ju e morët vesh atë ditë që po xhironim Post Big Brother, pata një incident shumë serioz, u rrëzova dhe për fat shpëtova me aq. Sinqerisht telefoni im ka qenë hapur për të gjithë, vetëm me disa prej tyre jam dëgjuar.

Erjola Doçi: Domethënë ti pret një telefonatë nga ata, nuk do e merrje ti iniciativën e para.

Egla Ceno: Po çfarë t’i them u rrëzova, më pyet si jam? Unë e takova Julin nëpër ambientet e Top Channel, disa ditë pasi, e përshëndeta normalisht, kështu do jetë gjithmonë.

revista.one/