Valbona Mhilli: Jozi është këngëtari më i mirë i Big Brother, Gjesti dhe Egli vijnë të dytët…

August 6, 2025 0

Ish-banorja e edicionit të katërt të “Big Brother VIP”, Valbona Mhilli, ka dhënë së fundmi një intervistë për “Pushime On Top” me Lei Krajën. Moderatorja e njohur ka treguar se çfarë ka ndodhur me të pas përfundimit të reality show-t, ka zbuluar për projektet e saj në ekran.

Pjesë nga intervista:

Ke qenë pak në qetësi, pak më e urtë, ça ka ndodhur?

Kur kam dalë?

Misterioze këto kohë, nuk e dimë ça po bën, me ça po merresh?

Në fakt jam kthyer ajo Bona që ka qenë jashtë, vazhdon të jetë sërish jashtë po ajo vajza e thjeshtë, po ajo vajza që punon, po ajo vajza që ngrihet herët dhe ka shumë punë për të bërë gjatë ditës, e mbushur me angazhime.

Kur zgjohesh?

Tani e kam stabilizuar gjumin, ngrihem në orën 9 të mëngjesit, jam për të vazhduar ditën.

Tani shumë ndjekës pas “Big Brother” kanë pritur që ti të rishfaqesh në ekran, në ç’pikë je përsa i përket ekranit?

Ka një moment pauze, po shtatori do ketë surpriza, do jemi me projekte të reja.

Çfarë të mungon nga ekrani?

Më ka marrë shumë malli për të moderuar, për të drejtuar, për të parë atë llambën e kuqe kur ndizet dhe ti nis programin tënd. Më ka marrë për të intervistuar, më ka marrë malli për atë rutinën e ditës që lidhem me personazhet për t’i ftuar në studio, për temën që do të trajtojmë. Më mungon pa diskutim, sepse pas 9-10 vitesh unë bëra një pauzë të madhe në drejtim, po besoj se ka qenë edhe e nevojshme.

Ke ndonjë model frymëzimi sa i përket ekranit? Që të pëlqen si drejton, si e bën programin?

Jam rritur me modele, e jam munduar që gjatë gjithë kohës, edhe gjatë karrierës sime televizive të jem një model i mirë për të gjithë ata që më ndjekin dhe e kanë qejf fushën e moderimit dhe gazetarisë. Nëse do përmendja sot një model që më pëlqen shumë në të gjitha aspektet e saj, një program që e ndjek dhe e përcjell me shumë dashuri, është Grida Duma. I ka të gjitha.

Nuk po të pyes për Laertin, po ke ruajtur ndonjë miqësi nga “Big Brother”? Me kë bëhesh më shumë?

Patjetër, në përgjithësi kam komunikim dhe marrëdhënie me pjesën më të madhe të banorëve të shtëpisë së “Big Brother”. Nuk mund të anashkaloj pa përmendur atë mik që kisha jashtë por që e kisha edhe brenda, Jozi.

Gjithmonë do të ngelë Jozi një mik shumë i mirë?

Po. Jozi është mik para se të futesha në shtëpinë e “Big Brother”, por edhe jashtë shtëpisë. Vazhdojmë të ruajmë një miqësi shumë të mirë bashkë.

Me Jozin shkruan më shpesh në “WhatsApp”? Më kë shkruan më shpesh? Më kë del më shpesh për drekë, për darkë?

Janë të shumtë banorë të shtëpisë së BB, jo vetëm me Jozin. Edhe me vajzat, me disa nga ato. Por edhe me disa nga djemtë ruaj marrëdhënie shumë të mira.

Duke qenë se shumica ishin këngëtarë brenda në shtëpinë e “Big Brother VIP 4”, do të bëjmë një Top Listë. Mi listo nga vendi i 5 tek i pari, kush mund të ishte në vendin e 5?

Kelly

Vendi i 4?

Tiri

Vendi i 3?

Tani jemi te treshja, shkojmë me Rozanën

I 2?

Shkojmë me Gjestin

Dhe i 1?

Jozi

Klajdi më vjen keq nuk je në Top Listën e Valbonës, mos e merr për keq sepse donte me i kënaq të gjithë po 5 vende ishin, ça të bëjmë.

Klajdi nuk mërzitet se fatmirësisht apo fatkeqësisht e kam në Laprakë

Ngeli edhe Egli jashtë