Zarf i zi në Big Brother VIP: Bëni gati të gjithë valixhet…

Një zarf i zi ka mbërritur në shtëpinë e “Big Brother VIP 4”. Banorë, Vëllai i Madh ju ka mundësuar të gjitha kushtet për një bashkëjetesë sa më të mirë, pavarësisht izolimit. Megjithatë, veprimet tuaja të përsëritura për të fshehur sendet personale, përfshirë veshje dhe cigare, janë të papranueshme. Vëllai i Madh nuk ju toleron më dhe ju kërkon që të dorëzoni menjëherë sendet e fshehura, përfshirë cigaret. Sonte do të merren masa të rrepta, bëni gati të gjithë valixhet.

Ky njoftim ka krijuar panik mes banorëve, të cilët nuk e dinë ende se çfarë masash do të marrë produksioni.

Disa prej tyre janë munduar të justifikohen, ndërsa të tjerë kanë filluar të dorëzojnë sendet e fshehura për të shmangur ndëshkimin.

Kujtojmë se një debat i ashpër shpërtheu mes Valbonës dhe Vserlos në shtëpinë e Big Brother VIP Albania, ku tensionet arritën kulmin pas një akuze për vjedhjen e cigareve. Gjithçka nisi kur Valbona akuzoi Vserlon se i kishte marrë cigaret pa leje.

Situata u përshkallëzua shpejt, me Valbonën që kërkonte sqarime dhe Veselin që mohonte akuzat.

Ndërsa debati sa vinte e bëhej më i ashpër, Valbona, e irrituar nga situata, e ndoqi Veselin dhe e spërkati me ujë, gjë që e nxiti atë të reagojë me nervozizëm.

I revoltuar nga veprimi i saj, Vserlo iu afrua Valbonës me tone të ngritura dhe duke bërtitur, duke e sfiduar atë në një përballje ballë për ballë.

Në atë moment, Valbona e paralajmëroi duke i thënë: “Mos mu afro kaq shumë se po më puth”.

Në përgjigje të kësaj, Vserlo e ironizoi situatën duke u shprehur: “Nuk puth komardare, unë puth buzë”.

Ky koment provokues shkaktoi reagime të ndryshme mes banorëve dhe audiencës, me disa që e panë si një batutë, ndërsa të tjerë si një qëndrim të ashpër nga ana e Vserlos.

revista.one/