Luiz Ejlli ‘injoron’ Olta Gixharin në skenën e DWTS

Në spektaklin e Dancing With The Stars Albania një nga surprizat ishte edhe performanca e Luiz Ejllit. Ai ka kënduar për herë të parë vijën melodike ‘Pa ty’ të filmit ku ai ka rol protagonist, ‘Në Kuadër të Dashurisë’.

Bora dhe Eno me këtë rast, ftoi në skenë disa nga aktorët e ‘kastit’ që janë pjesë e ‘DWTS’ por në role të ndryshme. E këtu flasim për Oltën, e cila është vendosur në rolin e jurisë, Eni Shehu konkurrent dhe Luizi si surpriza e mbrëmjes.

Ajo që u vu re ishte ‘indiferenca’ e Luizit dhe Oltës teksa u shfaqën në skenë dhe u pyetën për eksperiencën e tyre në film. Luizi fillimisht nuk dha asnjë koment, ndërsa ishte Olta ajo që ‘theu akullin’ duke komentuar vijën melodike e gjithashtu duke përgëzuar Luizin për performimin e këngës.

Marrëdhënia e tensionuar mes Luizit dhe Oltës e ka ‘zanafillën’ që nga sheshi i xhirimit ku përflitet se ka patur përplasje të forta.

Olta dhe Luizi praktikisht nuk kanë asnjë kontakt me njëri-tjetrin. Madje dy protagonistët as nuk ndiqen në ‘Instagram’

revista.one/