Sean Penn pritet nga Presidenti Zelensky/ Aktori po realizon një dokumentar në mes të trazirave Ukrainë-Rusi

Ndërsa konflikti shpërtheu në Ukrainë, aktori Sean Penn ishte në skenë.

Aktori politikisht aktiv u pa të enjten në rreshtin e parë të një konference për shtyp në Kiev, ku zyrtarë të lartë ukrainas po diskutonin pushtimin e nga Rusia – dhe realizuan një takim me presidentin e vendit, shkruan New York Post.

Ylli 61-vjeçar i “Dead Man Walking” me sa duket ka punuar në një dokumentar për përshkallëzimin e tensioneve në vend që nga viti i kaluar dhe fluturoi në Ukrainë në fillim të kësaj jave për të parë nga afër luftën.

I veshur me një xhaketë bombarduese dhe me një palë syze dielli, Penn tregoi një pamje të mërzitur kur po dëgjonte me vëmendje konferencën e mbajtur në zyrën e Presidentit, megjithëse nuk ishte e qartë nëse ai fliste ukrainisht.

Më vonë, presidenti ukrainas Volodymyr Zelensky publikoi disa fotografi në Instagram, duke treguar takimin mes tij dhe Penn.

Aktori Penn ka folur tashmë me zëvendëskryeministrin dhe me ushtarakë që nga zbarkimi, raportoi Newsweek.

“Sean Penn demonstron guximin që u mungon shumë të tjerëve, veçanërisht politikanëve perëndimorë. Sa më shumë njerëz të tillë në vendin tonë tani, miq të vërtetë të Ukrainës, që mbështesin luftën për liri, aq më shpejt do të jetë e mundur të ndalet sulmi tradhtar i Rusisë”, tha ambasada ukrainase për Newsweek në një deklaratë të përkthyer, duke shprehur mirënjohjen për vizitën e tij dhe duke vlerësuar dokumentarin.

Nëntorin e kaluar, aktori u pa i veshur me një xhaketë dhe hwlmetë, duke biseduar me luftëtarët në kufirin e Rusisë dhe Ukrainës, disa muaj përpara se konflikti të shpërthente zyrtarisht. Një përfaqësues për VICE Media i tha New York Postit se Penn po punon për dokumentin me VICE Studios dhe ekipin e tyre të lajmeve.

Ylli i cili ka fituar dy herë çmimin “Oscar” ka një reputacion për shfaqjen në zona të rrezikshme. Ai shkoi në New Orleans pas uraganit Katrina në vitin 2005, ku u fotografua duke shpëtuar njerëzit e bllokuar nga stuhia.

Ai shkoi në Haiti pas tërmetit të vitit 2010 dhe ndihmoi refugjatët atje. Ai gjithashtu një herë darkoi me mbretin famëkeq të drogës Joaquin “El Chapo” Guzman dhe bëri një intervistë sekrete me të. revista.one/