U arrestua nga SPAK, e shkuara e errët në SHBA e ish-drejtorit të Albpetrol, Florjan Muçaj

Prokuroria e Posaçme kundër Korrupsionit dhe Krimit të Organizuar (SPAK), ka lëshuar disa urdhër-arreste në fund të muajit mars për çështjen e skandalit të inceneratorëve, urdhër arreste që më pas janë shqyrtuar edhe nga Gjykata dhe janë gjetur si të vlefshme. 

Mes tyre është arrestuar dhe më pas Florjan Muça, ish-administrator i kompanisë së inceneratorëve dhe deri në momentin e arrestimit drejtor në kompaninë Albpetrol. Florjan Muçaj gjithashtu ka qenë Administrator i Përgjithshëm i Bashkisë Fier dhe anëtar i Komisionit të Prokurimit të Inceneratorit të të njëjtit qytet.

Ai u dënua nga gjykata me masën arrest me burg, i akuzuar për shpërdorim detyre. 

Por teksa ka drejtuar kompaninë Albpetrol dhe ka pasur një post të rëndësishëm në Bashkinë e Fierit, Balkanëeb, mëson se e shkuara e tij, jashtë Shqipërisë ka qenë e errët. 

Në një raportim ditor të mediave amerikane mbi ngjarjet kriminale në vend del edhe emri i Florjan Muçës. 

Gazeta e universitetit të Jacksonville State “The Chantecleer” në Alabama, në 5 prill 2001 raportonte njoftimet e policisë për kronikën e zezë, ku përmend edhe emrin e ish-drejtorit të Albpetrol. 

Në faqen e dytë të kësaj gazete thuhet se në 20 mars 2001 Florjan Muçaj, në atë kohë 20 vjeç, nga Fieri është arrestuar nga policia e Jacksonville me akuzën e ushtrimit të dhunës.

 

Florjan Muçaj u pyet edhe në komisionin hetimor parlamentar të drejtuar nga Jorida Tabaku, për çështjen e inceneratorëve, por tha se nuk kishte për të dhënë asnjë përgjigje për komisionin për shkak se kishte dëshmuar më parë në SPAK. 

Pak ditë më pas, policia ekzekutoi një vendim gjykate për ta arrestuar atë dhe më pas për ta dënuar me arrest me burg. revista.one/