‘Ka bërë botox për të hequr rrudhat’, ja si përgjigjet Edi Rama

Edi Rama, reagoi edhe në lidhje me disa lajme që postuan disa media një ditë më parë se kryeministri ka bërë lifting, për eliminimin e rrudhave. 

Në një bashkëbisedim me gratë e vajzat, kreu i PS-së, ai nuk e kurseu ironinë dhe batutat. Arsyeja pse lëkura  ime “po shkëlqen si e Fevziut”, është fakti se kam arsye për të buzëqeshur, tha ai.

Sipas Ramës, dielli po fillon të buzëqeshë mbi Shqipëri. Nderkohe përmendi vaksinimin e qindra të moshuarve, që tashmë janë liruar nga frika e COVID.

“Lajmi i fundit është që unë kam bërë botoks. Është lajm në mediat që i bëjnë gjithë kohën botoks sondazheve të Lulit, fushatës së tij, PD-se. Nuk lënë laps pa përdorur për t’i shtuar çdo ditë rrudha imazhit ët Shqipërisë, për t’ja zhgarravitur çdo ditë fytyrën këtij vendi dhe për tja ekspozuar çdo ditë karikaturën e shpirtit ët tyre njerëzve të këtij vendi. Unë botoks?!

Pse kam bërë botoks?! se i jam dukur papritur i buzëqeshur dhe lëkura ime i është dukur papritur si lëkura e Fevziut, me shkëlqim. Ka një arsye pse unë jam pak më i qeshur seç isha, ka një arsye pse lodhja dhe stresi shihen më pak në fytyrën time, kjo nuk është botoksi, është dielli që ka filluar të shkëlqejë përsëri mbi Shqipëri, dielli që shkëlqen ën sytë e qindra mijëra gjyshëve dhe gjysheve që marrin vaksinën dhe marrin frymë thellë dhe takojnë nipat e mbesat”, deklaroiRama. /revista.one/