Zyrtare/ Klubet angleze “tradhtojnë” Superligën Evropiane, tërhiqen dy ditë pasi u krijua

Manchester City është bërë klubi i parë që ka lëshuar Superligën Evropiane, vetëm dy ditë pasi ishte themeluar.

Klubi lëshoi ​​një deklaratë këtë mbrëmje duke konfirmuar se po punojnë për të dalë nga marrëveshja.

“FC Manchester City mund të konfirmojë se ka miratuar zyrtarisht procedurat për t’u tërhequr nga grupi qe zhvillon plane për një Superligën Evropiane”, thuhet shkurt në komunikatën e klubit.

Se fundmi, Chelsea, Manchester United, Arsenal, Liverpool dhe Tottenham Hotspur kanë konfirmuar të gjithë se nuk do të marrin pjesë.

Do të mesin aktualisht vetëm Juventusin, Milanin, Interin, Real Madridin dhe Atletico Madridin.

Ndërkohë, Barcelona kishte një klauzolë në kontratën e tyre që i lejonte ata të tërhiqeshin pa paguar një dënim nëse nuk do të votohej nga Asambleja.

“Klubi i Futbollit Liverpool mund të konfirmojë që përfshirja jonë në planet e propozuara për të formuar një Superligë Evropiane është ndërprerë”.

12 klubet themeluese ishin Juventus, Inter, Milan, Real Madrid, Barcelona, ​​Atletico Madrid, Manchester United, Manchester City, Chelsea, Arsenal, Tottenham dhe Liverpool.

Presidenti i Barcelonës, Joan Laporta ka thënë se ai nuk do ta ratifikonte hyrjen e tyre nëse Asambleja e aksionereve nuk e voton atë. 

Reagimi

Alexander Ceferin, presidenti i UEFA-s, ka lëshuar një deklaratë zyrtare, pasi mësoi se Manchester City është larguar nga Superliga Evropiane.

Ai ka shkruar se i kënaqur të mirëpret Manchester City në familjen evropiane të futbollit.

“Jam i lumtur që mirëpres Manchester Cityn në familjen e futbollit evropian. Ata kanë treguar inteligjencë të madhe duke dëgjuar shumë zëra, veçanërisht atë të tifozëve të tyre. Ata kanë shpjeguar përfitimet vitale që ka sistemi aktual për të gjithë futbollin evropian. Perfshire, qe nga fitorja në finalen e Ligës së Kampionëve në atë të një të riu futbollist qe nis seancën e tij të parë stërvitore në një klub”.

“Siç thashë në Kongresin e UEFA-s, duhet guxim për të pranuar një gabim/ Gjithsesi, unë kurrë nuk kam dyshuar se ata kishin aftësinë dhe mendjen e shëndoshë për të marrë atë vendim”.

“City është një pasuri e vërtetë e lojës. Dhe unë jam i kënaqur që do të punoj me ta për një të ardhme më të mirë për futbollin evropian”, ka shkruar Ceferin.