Bullgaria fiton për herë të parë Eurovisionin, ja renditja e 25 shteteve finaliste
May 17, 2026Të shtunën e 16 majit u mbajt finalja e Eurovision 2026, një prej ngjarjeve më të mëdha evropiane të industrisë së muzikës.
Spektakli u zhvillua drejtpërdrejt nga “Wiener Stadthalle” në Vjenë të Austrisë, vendi që e mirëpriti edicionin e këtij viti pasi kishte fituar vitin e kaluar.
Në këtë mbrëmje të madhe u ngjitën në skenë plot 25 shtete, të cilat garuan për të fituar trofeun e këtij viti, ndërsa Shqipëria u prezantua nga Alis me këngën “Nan”, i cili e renditi Shqipërinë në vendin e 13-të në këtë finale.
Ndërkohë, fituese e këtij edicioni u shpall Bullgaria, e përfaqësuar nga artistja DARA me këngën “Bangaranga”.
Renditja e plotë finale (Eurovision 2026)
- Bullgaria – 516
- Izraeli – 343
- Rumania – 296
- Australia – 287
- Italia – 281
- Finlanda – 279
- Danimarka – 243
- Moldavia – 226
- Ukraina – 221
- Greqia – 220
- Franca – 158
- Polonia – 150
- Shqipëria – 145
- Norvegjia – 134
- Kroacia – 124
- Çekia – 113
- Serbia – 90
- Malta – 89
- Qiproja – 75
- Suedia – 51
- Belgjika – 36
- Lituania – 22
- Gjermania – 12
- Austria – 6
- Mbretëria e Bashkuar
Një incident është raportuar në Qendrën e Mediave të festivalit të këngës Eurovision, që po mbahet këtë vit në Vjenë, ku një pjesëtare e delegacionit të Serbisë ka tentuar të pengojë valëvitjen e flamurit të Kosovës gjatë performancës së përfaqësuesit shqiptar.
Sipas anëtarit të Eurovision Kosova, Albert Limani, i cili ndodhej në sallën e mediave bashkë me ekipin e RTK-së duke ndjekur paraqitjen e Shqipërisë, një grua nga delegacioni serb iu afrua dhe tentoi t’ua largojë flamurin, duke pretenduar se “nuk lejohet” në atë hapësirë.
revista.one/
