JLo “çmendurisht e dashuruar” me Ben Affleck pas shansit të dytë që i dhanë njëri tjetrit

Jennifer Lopez dhe Ben Affleck janë në raundin e dytë të romancës së tyre pasi ata u rikthyen në krahët e njëri-tjetrit në muajin prill.

Dhe një burim i tha Revistës ‘People’ këtë javë se zogjtë e dashuruar – të cilët u takuan për herë të parë nga viti 2002 deri në vitin 2004 – ndihen me fat që iu dha një ‘shans i dytë’.

Burimi i brendshëm gjithashtu vuri në dukje se këngëtarja 51-vjeçare dhe ylli 48-vjeçar i “Justice League” janë ‘dashuritë e jetës së njëri-tjetrit’, shkruan DailyMail.

“Ata duan të bëjnë gjithçka që munden për ta bërë këtë lidhje të funksionojë. Ata janë dashuruar marrëzisht”, shtoi ai.

Dhe u theksua se Ben, i cili ka qenë në rehabilitim, mendon se Jennifer – e cila nuk pi alkool, punon rregullisht dhe ushqehet shëndetshëm – është një ndikim i mirë tek ai.

“Ajo është e mrekullueshme për të”, tha burimi.

Sa i përket binjakëve të saj Max dhe Emme, 13 – babai i të cilëve është Marc Anthony – ata po njihen më mirë me ish-yllin e filmit “Batman”.

“Ata po e njohin njëri-tjetrin ngadalë”, tha burimi, duke shtuar se “gjithçka duket se po ecën normalisht”.

Lopez do të jetojë me kohë të plotë në Los Angeles tani për të qenë afër Benit. Ajo po qëndronte në shtëpinë e saj në Miami kur ishte e fejuar me Alex Rodriguez.

Jennifer zotëron një shtëpi në Bel-Air, por ajo është parë kohëve të fundit duke vizituar rezidencën e Affleckut.

Ben duhet të qëndrojë në zonën e Brentwood për të qenë afër tre fëmijëve që ka me Jennifer Garner: Violet, 15, Seraphina, 12 dhe Samuel, nëntë.

Një tjetër informacion për dyshen: Ditëlindja e saj e 52-të që bie të shtunën – ata do ta festojnë së bashku.

Bukuroshja e lindur në Bronx i tha gazetares Hoda në emisionin ‘Today’ këtë javë se do ta mbajë festën shumë private.

“Do të festoj me miqtë, duke u argëtuar, e dini, duke ngritur një gotë, një dolli”, tha ajo.

Gjithashtu në emisionin ‘Today’ ajo u pyet nga Hoda Kotb nëse është ‘më e lumtur’ këto ditë tani që është përsëri me Benin.

J.Lo shmangu pyetjen dhe tha se ajo është gjithmonë e lumtur kur sheh Hoda-n.

Pastaj Jennifer tha se Hoda ka numrin e saj të telefonit dhe gjithmonë mund ta telefonojë dhe ta pyesë.

Të martën u pohua se dyshja nuk po nxitojnë për fejesë ose martesë.

Ata kishin vendosur të martoheshin në vitin 2003 por e shtynë dasmën e tyre për shkak të ‘vëmendjes së tepruar të medias’ para se të prisnin fejesën e tyre vitin e ardhshëm.

Një burim i tha E! News: “[Ata] janë plotësisht të përkushtuar ndaj njëri-tjetrit … Ata kanë ngatërruar jetën dhe familjet e tyre dhe nuk e ndiejnë nevojën të fejohen akoma apo edhe të kurorëzohen”.

“Ata të dy kanë qenë atje dhe nuk e ndiejnë të nevojshme. Ata të dy janë shumë të sigurt brenda marrëdhënies së tyre dhe Ben e adhuron atë”, tha burimi.

Ben ishte më parë i martuar me Jennifer Garner nga viti 2005 deri në vitin 2018, dhe J-Lo ishte martuar me Ojani Noa, Chris Judd dhe Anthonyn ndër vite.

Ndërkohë, një burim i brendshëm zbuloi së fundmi se çifti tani janë në një ‘vend të mahnitshëm’.

Ai tha: “Kur Ben zgjati dorën me J-Lo, ajo ishte me të vërtetë e entuziazmuar nga mundësia që ata të rindiznin marrëdhënien e tyre. J-Lo gjithmonë ka pasur një dashuri për Benin”.

“Në fund të ditës, Ben u nda nga J-Lo sepse ishte mbingarkuar nga vëmendja e vazhdueshme e medias dhe fama që solli marrëdhënia, por tani ata janë në një vend të mahnitshëm dhe me të vërtetë kanë mësuar se çfarë u shërben atyre si çift”, shtoi burimi.