Rita Ora bëhet imazh i turizmit në Emirate, video atraktive nga Abu Dhabi

Rita Ora javë më parë ishte prezente në Abu Dhabi, mbrëmjen speciale vjetore të organizuar nga “Vogue Arabia”, me të cilët ka nisur edhe një bashkëpunim.

Në një video të publikuar në rrjetin social Instagram, ka bërë të ditur se është bërë fytyra promovuese e fushatës së re të kësaj reviste, pa dhënë shumë detaje.

“Uau, faleminderit shumë, jam shumë e nderuar të jem pjesë e ‘Vogue Arabia’ e fushatës ‘Summer of Style’”, ka shkruar Ora në mbishkrimin e videos.

Në video, ajo shfaqet mjaft atraktive, ndërsa ndodhet në veturë dhe shoqërohet në vizitën e saj në kryeqytetin e Emirateve të Bashkuara Arabe.

Ndërkohë, edhe vet faqja zyrtare e “Vogue Arabia” publikoi në Instagram reklamën në fjalë, duke paralajmëruar në mbishkrimin e saj bashkëpunimin me yllin shqiptar.

“Super ylli Rita Ora paraqet fushatën ‘Summer of Style’ të ‘Vogue Arabia’ me Retail Abu Dhabi. Kantautorja udhëton nëpër Abu Dhabi në një gjueti të modës për shpëtimtarët e stilit përfundimtar të sezonit. Gjatë rrugës, përcaktuesit e trendeve të rajonit e marrin atë nën krahun e tyre … qëndroni gati”, shkruan “Vogue Arabia” në Instagram.

Rita përndryshe pas vizitës në EBA, ka shkuar në Los Angeles për të punuar rreth projekteve të reja atje.

revista.one/