Distria Krasniqi merr medaljen e artë në Mastersin e Jerusalemit në xhudo

Distria Krasniqi ka fituar medaljen e artë në Mastersin e Jerusalemit në xhudo. Në finale të kategorisë deri 52 kilogramë, Distria e mposhti britaniken Chelsie Giles.

Ndaj saj realizoi herët aksion për wazzari, ndërsa më pas e kontrolloi luftën deri në fund.

Mastersi është prej garave më të mëdha të xhudos, ku vetëm Kampionati Botëror jep më shumë pikë për ranglistën olimpike. Me të artën në Masters, Distria i ka fituar plot 1800 pikë në ranglistën botërore. Në Masters paraqiten vetëm xhudistët më të mirë nëpër kategori.

Distria në xhiron e parë ishte e lirë. Më pas në xhiron e dytë e kaloi amerikanen Angelica Delgado. Me fitore ndaj spanjolles Ana Perez Box, zuri vend në gjysmëfinale. Në gjysmëfinale ishte më e mirë se hungarezja Reka Pupp.

revista.one/