Dua Lipa do të luajë në një film thriller me spiunazh, në krah të aktorëve hollivudianë

Dua Lipa do të bëjë debutimin e saj si aktore në një film të sapo shpallur të llojit thriller të quajtur “Argylle” nga regjisori i njohur, Matthew Vaughn.

Sipas The Hollywood Reporter, ajo do të bashkohet me një kast të madh të aktorëve që përfshin: Henry Cavill, Samuel L Jackson, Bryan Cranston, Catherine O’Hara, Sam Rockwell, Bryce Dallas Howard dhe John Cena.

Lipa do të ketë gjithashtu këngë të re për titullin dhe përfundimin e filmit.

Filmi do të bazohet në një roman me spiunazh me të njëjtin emër nga autori Ellie Conway. THR shkruan se filmi do të ndjekë ‘spiunin më të madh në botë Argylle ndërsa ai është kapur në një aventurë globale’.

Xhirimet janë planifikuar të nisin në muajin gusht.

Vaughn ka drejtuar, shkruar dhe prodhuar dy filmat e parë Kingsman, dhe po plotëson po ato role për të tretin që do të dalë pak para Krishtlindjeve 2021. Ai gjithashtu drejtoi, shkroi dhe prodhoi Kick-Ass (2010) dhe X-Men: First Class (2011).

Skenari i Argyle do të bëhet nga Jason Fuchs, i cili qëndron prapa filmave të famshëm: “Wonder Woman” dhe “Ice Age: Continental Drift”.

THR shton se libri debutues i Consay është vendosur për një lançim të madh në 2022.  revista.one/