Elon Musk shet edhe ‘shtëpinë e tij të fundit të mbetur’ në Tokë, paratë duhen për të ‘pushtuar’ Marsin

Elon Musk pothuajse po e zbaton premtimin e tij për të shitur të gjithë portofolin e tij prej 100 milionë dollarësh të pasurive të paluajtshme.

Musk tha se i “hoqi” të gjitha shtëpitë e tij – përveç njërës në Zonën e Gjirit të Kalifornisë që e kishte marrë me qira për evente.

“Vendosa të shes shtëpinë time të fundit të mbetur”, shkroi Musk në Twitter në lidhje me shtëpinë në qershor. “Thjesht atje duhet të shkojë një familje e madhe që do të jetojë”, shkroi ai.

Të dhënat e Zillow tregojnë se shtëpia ishte listuar për shitje nga pronari më 13 qershor për 37.5 milionë dollarë.

Listimi u hoq nga pronari më 11 shtator, sipas Zillow dhe u raportua për herë të parë nga New York Post.

Lista bëri të ditur se rezidenca e gjerë e vitit 1961 ka 16,000 metra katrorë hapësirë të brendshme dhe shtrihet në 47 hektarë në Hillsborough, California.

Shtëpia ka një garazh me 11 makina, një sallë vallëzimi, 10 banjo për vetëm gjashtë dhoma gjumi dhe dalje në shtigje hiking.

“Është një vend i veçantë”, kishte shkruar Musk në një postim në qershor.

Ai e bleu pronën për pak më shumë se 23 milionë dollarë në vitin 2017 nga Christian de Guigne IV, familja aristokratike e të cilit zotëronte pronën për më shumë se një shekull.

Ndryshe, në maj 2020, Musk shkroi në Twitter se kishte në plan të shiste “pothuajse të gjitha pasuritë fizike” dhe se “nuk do të kishte asnjë shtëpi”.

Ai po shpenzon sa më shumë para për “kolonizimin” e Marsit dhe po shet pasuritë e tij materiale për ta financuar këtë, i tha Mathias Döpfner, CEO-s së kompanisë mëmë të Insider, Axel Springer, në një intervistë në dhjetor.

Ai tashmë ka shitur një numër të madh shtëpish në lagjen Bel-Air të Los Anxhelosit, duke përfshirë një shtëpi prej 7 milionë dollarësh që dikur i përkiste aktorit Gene Wilder dhe një rezidencë prej 29 milionë dollarësh të “kapur” nga një miliarder kinez.

Musk shkroi në Twitter se vendbanimi i tij kryesor aktual është një shtëpi e parafabrikuar me vlerë 50,000 dollarë në Boca Chica, Teksas, të cilën ai e merr me qira nga SpaceX, kompania e tij hapësinore.

Siç edhe dihet, SpaceX përfundoi fluturimin e parë gjithë-turistik në botë këtë fundjavë, duke hapur derën për turizmin privat hapësinor dhe vizionin përfundimtar të Musk për kompaninë. 

revista.one/