Fjolla Morina mbulohet për Ramazan: Mirë se vjen, o muaj i bekuar!

Këngëtarja Fjolla Morina pozoi në një fotografi të ndarë me ndjekësit, e mbuluar me shami në kokë, në mbishkrimin e së cilës uroi nisjen e Muajit të Shenjtë të Ramazanit.

Ndonëse në shumë prej paraqitjeve të saj preferon të ekspozohet, në imazhin e fundit që ndau me ndjekësit e saj në InstaStory, ajo bëri të kundërtën.

“Mirë se vjen o muaj i bekuar i Ramazanit, qoftë i lehtë, i begatë dhe i mbushur me vepra të mira për të gjithë besimtarët. Amin”, shkroi këngëtarja Morina në InstaStory.

Edhe përgjatë iftarit, ajo publikoi një fotografi të një filxhani me kafe dhe të disa hurmave, duke shkruar në mbishkrimin e saj: “Allahu kabull të gjithë agjëruesve”.

Fjolla ka treguar në disa prej intervistave të saj ndër vite se mundohet të agjërojë gjatë muajit të Ramazanit. Përmes fotografive të fundit në llogarinë e saj zyrtare në Instagram, ajo sikur la të kuptohet se është duke agjëruar edhe gjatë këtij muaji. revista.one/