Flasin dy femrat e para që do të shkojnë në Hënë në 2024

Christina Koch dhe Jessica Meir shpresojnë të jenë femrat e para edhe në Hënë.

Në vitin 2024, NASA do të kthejë njerëzit në Hënë me programin e saj të hulumtimit hënor Artemis.

Meir thotë se programi ka të bëjë me dëshirën e natyrshme të njerëzimit për eksplorim.

“Ne jemi ende duke mësuar gjëra të reja çdo ditë nga mostrat që kemi sjellë nga misionet Apollo me teknologji më të re,” tha Meir për misionet, të cilat shtriheshin nga viti 1963 në 1972.

“Për të gjitha fushat e STEM, shkencës, teknologjisë, inxhinierisë, matematikës, pamë një rritje të madhe dhe përfitime nga programi hapësinor Apollo.  Pra ne mund ta presim këtë edhe nga programi Artemis,” tha ajo.

Koch gjithashtu tha se kërkimet nga Artemis do të na ndihmojnë t’i afrohemi qëllimit për të eksploruar Marsin.

“Kjo është me të vërtetë një mundësi për eksplorimin përfundimtar të Marsit, dhe madje edhe më thellë në sistemin tonë diellor. Artemis krijon gjithashtu mundësinë për t’i dhënë përgjigje pyetjeve filozofike “A jemi vetëm? A ka atje jetë apo dëshmi të jetës në në Mars.

“Astronautët e zgjedhur për misionet Artemis do të punojnë në aspekte të ndryshme të misionit për NASA, të tilla si zhvillimi i kostumeve të reja hapësinore, ” tha Meir.

“Trajnimi ynë i veçantë për misionet e para nuk ka filluar ende, edhe pse ne kemi identifikuar kuadrin e astronautëve të NASA Artemis. Në përgjithësi, ne nuk i caktojmë njerëzit deri rreth një vit e gjysmë deri në dy vjet para misionit, ”shpjegoi ajo.

“Të gjithë anëtarët e ekuipazhit përfshihen në të gjitha objektivat shkencore, të gjithë pajisjet e ndryshme, hapësirat që ata do të përdorin, dhe bëhet një trajnim me kohë të plotë,” shtoi ajo.

Të dy gratë e kanë kaluar këtë proces. Në tetor 2019, ata kryen së bashku ecjen e parë hapësinore për të gjitha gratë nga Stacioni Hapësinor Ndërkombëtar. Ata kishin për detyrë të zëvendësonin një kontrollues që rregullon bateritë që ruajnë energjinë diellore të stacionit. Misioni zgjati 7 orë e 17 minuta .

Koch thotë se është e vështirë të imagjinosh të gjitha mënyrat se si gruaja e parë në hënë do të ndikojë tek vajzat në të gjithë botën.

“Është një kohë kur ne po njohim ata që erdhën para nesh,” tha ajo.

“Ne po frymëzojmë brezat e ardhshëm dhe po i bëjmë të gjitha në një kohë kur ne e njohim kolektivisht se sa e rëndësishme është të eksplorojmë për të gjithë dhe nga të gjithë.  Kështu që është emocionuese të jesh pjesë e një misioni  të tillë”. /revista.one/