“Karton i kuq” Klodian Duros, Drini Zeqo mund të futet sërish në Big Brother

Pas një deklarate tepër të rëndë dhe të patolerueshme që është bërë pas spektaklit të ‘BBV3’ mbrëmë, një zarf i zi ka ardhur brenda shtëpisë ditën e sotme. Bëhet fjalë për Klodian Duron, i cili me tepër ‘krenari’ tregoi për dhunën që kishte ushtruar ndaj ish-bashkëshortes së tij. 

Ajo çka u deklarua prej Klodian Duros, bie ndesh me rregullat e programit dhe me normat e shoqërisë ku jetojmë, kështu që në mënyrë të menjëhershme ai është përjashtuar nga formati.

Pas skualifikimit të Klodianit, Vëllai i Madh dha një mesazh për të gjithë banorët e tjerë, që të jenë shumë të kujdesshëm me fjalët dhe veprimet e tyre që lidhen me dhunën.

Klodian Duro, teksa ishte duke darkuar me banorët e tjerë është drejtuar me një ton dhe fjalor tepër të ashpër ndaj Rikes.

Klodian Duro, përpara se të hynte brenda shtëpisë së ‘BBV3’ ka qenë i denoncuar. Kjo për arsye se përndiqte ish-bashkëshorten e tij. Fatkeqsisht ai i shpëtoi burgosjes, por mbrëmjen e së shtunës ai bëri deklarata shumë të mëdha të cilat me shumë siguri do t’i paguajë shtrenjtë:

Klodian Duro: Ruhuni nga mua se unë kur kam rrahur gruan time, e di si më dukeni ju apo jo? Ruhuni!- është shprehur ai, teksa në mënyrë të menjëhershme hyn Meritoni i cili siç duket do të ‘mbulojë’ fajet e Klodianit.

Meritoni: Shsh, larg qoftë! Unë e di që s’je ti ai!
Klodian Duro: E kupton? E kam rrahur ngaqë më mbante gocën time dhe e rraha, e kupton?

Meritoni: S’je ti ai!

Klodian Duro: Ruaju po t’them se mos do më thush nuk të kam thënë! Po i futa dhe nja dy gota raki, s’e kam kohë që se kam provuar.

Meritoni: Shsh. Ndërroje atë muhabet. As në hajgare mos ta dëgjoj me atë muhabet, se të vlerësoj shumë!

Rikujtojmë se natën e hyrjes së Klodit në format, moderatori Ledion Liço e preku situatën e mëparshme të Klodit dhe para se të hynte brenda në shtëpi ai i tha: ‘Shpresoj t’ja rrëfesh publikut të vërtetat.’

Ndërkohë, Drini Zeqo mund të hyjë sërish në Big Brother. Ai ishte i pari personazh që hapi dyert e ‘Big Brother Vip’ dhe i pari i cili la garën për arsye familjare. Dalja e tij nga shtëpia më e famshme, erdhi e papritur për publikun derisa dje tregoi për herë të parë arsyen që çoi në vendimin për të lënë lojën për çmimin e madh.

Gazetari tregoi se motra e tij vuan nga probleme të shëndetit mendor dhe ditët e fundit ajo kishte shfaqur shqetësime të tjera, e se duhej të ndodhej pranë saj.

I ftuar në ‘Fan Club’, sot Drini nuk përjashtoi mundësimi e një rikthimi në ‘reality show-n’ e famshëm.

“Nuk i dihet asnjëherë. Unë them vetëm se nuk i dihet jetës dhe Vëllai i Madh ka forma të mistershme si i lëviz duart. Në një javë kanë ndodhur kaq shumë gjëra sa nuk është çudi që në 3 muaj apo më shumë të ndodhin çudira të tjera”, tha Drini Zeqo.

Opinionistja Ina Kollçaku i tha Drinit se i vjen keq që një personazh me vlerë si ai ndodhet jashtë shtëpisë, ndërsa ai ia ktheu: “Prit një herë se mos futem prapë”.

revista.one/