Moderatorja Sonila Meço tregon se ka dy nxitje: Të futet në Big Brother VIP 2 dhe të bëjë një fëmijë të dytë

Gazetarja dhe moderatorja Sonila Meço ka dy plane që i diskuton me ndjekësit në rrjetet sociale: Të futet në Big Brother VIP 2 dhe të bëjë një fëmijë të dytë.

Së fundmi ajo ka vendosur t’ju japë mundësinë ndjekësve të saj në rrjetet sociale që t’i drejtojnë pyetje.

Pjesëmarrja e saj në “Big Brother Vip” si opinioniste, duket se ka nxitur kuriozitetin e ndjekësve që ta shohin gazetaren si konkurrente në këtë format.

Kështu një ndjekës pyet: “Do bëheshe pjesë e BBVIP?”, ndërsa Sonila përgjigjet duke shkruar se ka një kusht: “Me një kusht, të bëja Task Forcë-n time çdo mbrëmje në shtëpinë më të përgjuar, në pavarësi të plotë editoriale. Thua do të shpëtoja nga nomimini e eleminimi qysh episodin e parë?” . Për ata që nuk e dinë “Task Forcë” quhet emisioni televiziv që gazetarja moderon aktualisht.

Kujtojmë se Sonila Mecco ishte pjesë e “Big Brother Vip” në dy puntata në rolin e opinionistes, për të zëvendësuar Balina Bodinakun.

Pyetja tjetlr e një ndjekësi për Sonilën, e cila ka një vajzë me emrin Amaris, ishte nëse gazetarja ka në plan zgjerimin e familjes.

“Pse nuk i bën një motër ose vëlla Amarisit?”– pyet ndjekësi, i cili mori edhe një përgjigje nga Sonila Meço. Gazetarja lë të kuptohet se është e lodhur nga këto pyetje, pasi është diçka personale, teksa shton se shpesh i drejtohen në formë urdhërore që “t’i bëjë vëlla gocës.”

“Kjo nuk është pyetje për shtator, por korrik e gusht. E shoh që nuk të kam fis ndaj po të përgjigjem pa filtra: “Po ç’të duhet ty? Po bëra të dytin më premton se nuk më pyet për të tretin?”

Dhe faleminderit që pyet se shumica më drejtohen me urdhër: “Hajde tani, bëja dhe një vëlla gocës se nuk lihet fëmija vetëm.” E për të mos hapur debat gjegjem me copy-paste: “Patjetër, po iki që tani.”– shkruan Meço në Instastory.

revista.one/