Moska zyrtare i kërkon Shqipërisë informacion për rrethanat e vdekjes së 4 rusëve, kryefamiljari ishte ushtarak i lartë

Kreu i Komitetit Hetues të Rusisë (TFR), Alexander Bastrykin, është duke pritur informacion të detajuar mbi vdekjen e katër turistëve rusë në vendpushimin shqiptar, raportoi të hënën në faqen e internetit të agjencisë ICR.

“Sot, mediat raportuan vdekjen e katër turistëve nga Moska në një hotel në fshatin Qerret në provincën Kavaja në perëndim të Republikës së Shqipërisë. Raportohet se kryefamiljari 60-vjeçar i familjes së tij, gruaja 58-vjeçare, vajza e tyre dhe i dashuri i saj u vranë”, thuhet në raportim.

“Kryetari i Komitetit Hetues udhëzoi Drejtorinë Kryesore të Hetimit dhe Drejtorinë e Marrëdhënieve Ndërkombëtare të IC RF, me ndihmën e Ministrisë së Punëve të Jashtme të RF, për të marrë informacion nga autoritetet kompetente të Republikës së Shqipërisë dhe raportuar për të gjitha rrethanat të vdekjes tragjike të qytetarëve rusë”, shtoi ICR.

Hetimet

Dosja hetimore për vdekjen e 4 turistëve rusë mbrëmjen e së premtes në një hotel në plazhin e Qerretit në Kavajë është regjistruar si procedim pa emër për veprën penale të “Vrasjes”.

Mediat ruse

Ndërkohë mediat ruse kanë publikuar fotot e plota të familjes që humbi jetën në Shqipëri, në rrethana ende të pazbardhura plotësisht.

Familja ruse, prindërit dhe vajza, si dhe i fejuari i saj u gjetën pa jetë natën e së premtes në pishinën dimërore të hotel ”Gloria Palace” në zonën turistike të Qerretit.

Fillimisht u deklarua se të katërt u gjetën të asfiksuar brenda ambienteve të saunas.

Por trupat e viktimave u gjetën në pishinën dimërore të hotelit, pranë saunës. 

Viktimat janë 

Natalia Burenkova, 58 vjeçe,
Sergei Burenkova, 60 vjeç,
Nikita Belousov, 37 vjeç
Ekaterina Burenkova, 31 vjeçe.

(Sergey Burenkov, 60 vjeç, gruaja Natalya Burenkova, 58 vjeç dhe vajza Katya Burenkova, 31)

(Katya Burenkova)

(Sergey Burenkov, 60 vjeç dhe gruaja Natalya Burenkova, 58 vjeç)

Eksperti i sigurisë

Eksperti i kriminalistikës Ervin Karamuça ka ngritur dyshime të forta për vdekjen misterioze të katër turistëve rusë në Qerret, teksa u shpreh se kjo është një vrasje e sofistikuar që mund të ketë lidhje me pozicionin e lartë ushtarak që ka mbajtur babai i familjes ruse.

Eksperti thotë se për të hetuar këtë ngjarje duhet parë i gjithë itinerari i familjes ruse. Ai shtoi se nëse është vrasje ai ajo e fundit e bërë në Angli në vitin 2018 e kritikut të Putin, Nikolai Glushkov, atëherë lëndët e përdorura janë shumë të sofistikuara dhe vrasja është vështirë të zbulohet.

“Ka qenë ushtarak i lartë babai. Këtë nuk e bën as gazi, as temperatura e lartë, as asfiksia, as droga. Nuk e bën dot njësoj te të katërt. Kjo ngre dyshim shumë të madh. Mund të jenë përdorur…Mund të ketë argjenturë. Mund të ketë background më i sofistikuar se aq. Po të ngrihen pistat do të gjykosh kuzhinën, fqinjet dhe të gjithe itinerarin. Helmimi mund të ketë ndodhur diku tjetër. Në hotel duhet të kesh një përditshëmri, që unë të inskenoj diçka që të biesh pre atij sulmit. Në hotel mund te jenë rekrutuar pjesëtarë për ta kryer këtë shërbim. Duhen parë dhe ushqimet që kanë konsumuar edhe në Maqedoni. Po të jetë e njëtja si në 2018 në Britani, atëherë do jenë përdorur substanca që nuk i identifikon asnjëherë laboratori jonë. Nuk i ndjen, nuk i shikon. Prek lëkurën dhe nuk dallohet. Vrasje e fshehtë. Është sfidë e madhe që të zbulohet”, tha Karamnuça.

revista.one/