NASA arrin të ndryshojë trajektoren e një asteroidi: Dëshmuam se jemi mbrojtës të Tokës

Agjencia Amerikane e Hapësirës (NASA) njoftoi se përpjekja e saj e fundit për të devijuar rrugën e një asteroidi ishte e suksesshme.

Shkencëtarët kanë konfirmuar tani se orbita e shkëmbit hapësinor 160 metra të gjerë të njohur si Dimorphos u ndryshua kur sonda Dart u përplas me të muajin e kaluar, raporton theguardian.

Studiuesit arritën në përfundimin pas matjeve duke përdorur një seri teleskopësh hapësinorë dhe tokësorë, transmeton Telegrafi.

Misioni u krijua për të testuar një strategji të mundshme për mbrojtjen e Tokës kundër objekteve kërcënuese.

Arritja e Dartit dëshmon se një ide e tillë mund të kishte sukses, me kusht që të nisej mjaft herët dhe shënjestra të mos ishte tepër masive.

“Ky mision tregon se NASA po përpiqet të jetë gati për çdo gjë që na hedh hapësirë”, tha shefi i agjencisë Bill Nelson.

“Unë besoj se NASA ka dëshmuar se ne jemi seriozë si mbrojtës të planetit”, tha ai para gazetarëve.

Eksperimenti u zhvillua rreth 11 milionë kilometra larg Tokës dhe anija kozmike Dart 750 kilogramëshe u pa duke u nisur drejt për në Dimorphos, duke e shkatërruar veten gjatë procesit.

Shkëmbi hapësinor rrotullohet rreth një objekti shumë më të madh (780 metra i gjerë) i quajtur Didymos. Para përplasjes, Dimorphosit iu deshën 11 orë e 55 minuta për të përfunduar një orbitë rreth Didymos.

Provat e teleskopit tani tregojnë se kjo periudhë orbitale është reduktuar në 11 orë e 23 minuta, një ndryshim prej 32 minutash.

revista.one/