Rrëfimi i Antonelës: Ish-i dashuri nuk më linte të shkoja as në tualet

Antonela Berisha bëri një deklaratë befasuese në rubrikën ‘Trotuar’, në ‘E diell”. Aty po diskutohej për temën nëse pushimet verore do të kaloheshin më mirë çift apo single.

Ish-konkurrentja tha se vera e fundit që kaloi me të dashurin e saj, për të ka qenë tepër e mërzitshme. Ndër të tjera ajo tha se ai ishte aq xheloz sa madje nuk e linte as të shkonte në tualet.

“Vera e fundit ka qenë shumë e mërzitshme, kur isha në çift, sepse nuk u kënaqa fare, isha vetëm me të. S’kisha çfarë të bëja. Ishte yll, dy metra, bjond, sy jeshil, por ishte shumë xheloz, thoshte “Pse shkove në tualet?”. Nuk isha komode që të kënaqesha”, tha Antonela.

Kujtojmë se para se të merrte pjesë në “Për’puthen”, ajo ka konkurruar edhe në “Uomini e Donne”, që është versioni italian i emisionit “Për’puthen”. Po për një arsye të fortë ajo hoqi dorë në kohë, edhe pse konkurroi në programin e dashurisë.

Antonela rrëfeu se mënyra si ajo do të merrte pjesë në të, nuk ishte ajo që dëshironte, pasi do të ishte nga ana e vajzave që luftonin për djemtë.

revista.one/