Trazohen ujërat, dy banorë të rinj në shtëpinë e Big Brother VIP (Emrat)

Vëllai i Madh ka gjithmonë surpriza. Ishte e papritir gjatë spektaklit të sotëm kur në shtëpi u rikthye një ish-banor.

Graciano Tagani, i cili u skualifikua nga loja disa javë më parë, u rikthye sot dhe vajzat ishin shumë entuziaste.

Ai që u duk më pak entuziast ishte Romeo. Ashtu siç bëri herën e parë, Graciano pritet të trazojë edhe njëherë ujërat brenda shtëpisë së Big Brother.

Ndërkohë, një banor i ri misterioz u paralajmërua se do të futet në shtëpinë në të famshme në Shqipëri ditën e martë.

Ai nuk ka dashur të prezantojë veten, duke u shfaqur me një maskë në fytyrë. Mënyra se si ai flet, duket se ka shumë besim tek vetja dhe i konsideron banorët e tjerë lojtarë shumë të dobët. Si shprehet se do ketë një standart tjetër në BBV3, tashmë që edhe Egla sapo u largua.

I pyetur se kujt do ia japë dorën të parit kur të hyjë brenda në shtëpi, ai shprehet se nuk e ka vendosur, do shohë se si do e presin. Përsa i përket çifteve, ai shprehet se asnjë prej tyre nuk ka dashuri të vërtetë. Ronaldo Sharka ka dhënë një mendim të tij se kush mund të jetë ky personazh kaq misterioz, por mesa duket atij nuk i pëlqeu komenti i moderatorit.

Ronaldo: Nga stili i veshjes më duket si Spartak Ngela dhe mund të jetë ai sepse në një intervistë në Top News ka shprehur një dashuri të madhe për Riken.

Madje moderatori i ngacmoi më tej duke shprehur “të të bëj një pyetje me kastravec, me spec”?

Personazhi misterioz i cili do i bashkohet shumë shpejt BBV3, u shpreh:  Këto fjalët me k mos i mbaj në gojë.

Ronaldo: Mua më pëlqen shumë k. Sa bukur e nisi me këto himofobizma, shpresoj të përjashtohesh njësoj si Egla.

Ronaldo dhe Ina Kollçaku i ka dhënë vetëm dy javë kohë qëndrim në BBV e më pas do largohet pasi është i paqëndrueshëm dhe i lëkundur në ato gjëra që thotë.

Burime për “XL Social Media” bëjnë me dije se banori më i ri i BBV quhet Amarildo Delia me profesion animator dhe moderator.

Që në prezantimin e tij në “Fan Club”, Amarildo ka ‘trazuar’ ujërat. Ai ka treguar se është babai i dy fëmijëve dhe është 32-vjeç.

Unë jam animator, moderator dhe studioj gazetari. Jam 32-vjeç. Jam i martuar, prind i dy fëmijëve. Në BBV do sjell një standard të ri dhe do e çoj më përpara”, tha ai.

Teksa fliste, ai tregoi se ka shumë besim tek vetja dhe i konsideron banorët e tjerë lojtarë shumë të dobët.

revista.one/