(Video) “Kjo është për ju, trajner!”, Granit Xhaka ia dhuron çmimin e tij Petkoviçit

Kur trajneri i Zvicrës, Vladimir Petkoviç ishte duke folur për këtë kualifikimin, lojtari me origjinë shqiptare hyri në këtë konferencë dhe përpara se të ulej i dhuroi çmimin si “lojtari më i mirë” trajnerit Petkoviç, duke i thënë që ky është trofeu juaj. Një gjest i mrekullueshëm saqë kjo video u bë menjëherë virale.

Granit Xhaka ishte padiskutim lojtari më i mirë i ndeshjes saqë u vlerësua dhe nga UEFA si lojtari më i mirë i takimit Francë-Zvicër, ndeshje ku helvetët morën kualifikimin heroik ndaj kombëtares transalpine pas goditjeve të 11-metërshave.