Prapaskenat e xhirimeve të klipit me “Lyrical Son”, Dafina shfaqet mes një fushe me luledielli

Artistja shqiptare, Dafina Zeqiri, ka nisur xhirimet për një projekt të ri muzikor. Siç është njoftuar, ajo po vjen në një bashkëpunim me anëtarin e grupit “PINT”, Lyrical Son.

Megjithëse nuk është konfirmuar asgjë, 32 vjeçarja ka ndarë disa imazhe nga prapaskenat e klipit.

“Diçka shumë e bukur po vjen”, ka shkruar ajo krahas imazheve ku shfaqet e rrethuar me luledielli. Komplimentet nuk munguan në pjesën e komenteve nga ndjekësit në Instagram.

Zeqiri nuk ka zbuluar më shumë detaje dhe presim në vazhdim për atë që do të sjellë. Ndërkohë, këngëtarja vazhdon të jetë e suksesshme. “Happy Birthday”, e publikuar disa javë më parë ka arritur mbi një milion klikime për vetëm pak javë.

revista.one./