Aksident ajror në Rinas, ulet avioni pa rrota, pezullohen fluturimet

Një incident ajror ka ndodhur pak minuta më parë në aeroportin “Nënë Tereza” në Rinas.

Mësohet se avioni ishte nisur nga Zvicra dhe në të ndodheshin 4 persona, piloti dhe tre pasagjerë.

Sipas të dhënave paraprake, mësohet se një avion i vogël “kargo” i ngarkuar me mallra, është ulur në pistën e aeroportit pa rrota.

Pista e Rinasit dyshohet se ka pësuar dëmtime për shkak të uljes emergjente, ndërsa është e paqartë nëse nuk kanë funksionuar rrotat apo janë këputur gjatë uljes.

Piloti ka qenë së bashku me familjen në avion në momentin e incidentit, por fatmirësisht nuk kanë pësuar lëndime serioze.

Për këtë arsye janë pezulluar fluturimet deri në inspektimin e dëmit në pistë.

Policia Kufitare e Rinasit ka kryer veprimet e para hetimore dhe i ka bërë testin e alkoolit pilotit, ku ka rezultuar 0:00 mg/l.

Materialet do i kalojnë Prokurorise për vlerësim.

revista.one/