Aksident tek “Vasil Shanto”, gruaja hyn me gjithë makinë në lokal, merr përpara dy vajza (video)

Një aksident ka ndodhur mbrëmjen e sotme në afërsi të shkollës “Vasil shanto” në Tiranë.

Mësohet se një makinë ka dalë nga rruga dhe ka përfunduar te stacioni i urbanit, dhe më pas në verandën e një lokali, ku për pasojë janë plagosur dy këmbësore.

“Sillni ambulancë! Ujë, po vdes” ishin thirrjet për ndihmë të njërës prej dy grave të plagosura që u përplasën nga “Benz”-i që i mori përpara duke i aksidentuar.

Të plagosurat u dërguan në spital për të marrë ndihmë mjekësore dhe sipas policisë jashtë rrezikut për jetën.

“Më datë 15.05.2021, rreth orës 20:55, në Vasil Shanto, mjeti me drejtuese shtetasen F. Z., 47 vjeçe, ka dalë nga rruga duke përfunduar në një stacion autobuzi. Si pasojë ka aksidentuar dy këmbësore të cilat u dërguan në spital, për të marrë ndihmë mjekësore, jashtë rrezikut për jetën.

Grupi hetimor ndodhet në vendngjarje dhe po punon për zbardhjen e rrethanave të ngjarjes”, njofton policia.

revista.one/