“Bëni gati valixhet”, banorët e BBV ndëshkohen se shkelën rregullat

Banorët e shtëpisë së BB VIP kanë thyer rregullin kryesor, atë të transparencës me publikun, do të ndëshkohen nga “BB”.

Personazhet VIP kanë fikur herë pas here mikrofonin apo i kanë pëshpëritur njëri-tjetrit për të mos i dëgjuar askush, mirëpo ky veprim do të dënohet.

Mbrëmë, në shtëpinë e Big Brother ka ardhur një zarf, të cilin e ka lexuar Sheila.

“Banorë, në fillim të programit jeni paralajmëruar se nëse do të vazhdoni të thyeni rregullat, do të penalizoheni. Disa prej jush kanë fikur me qëllim mikrofonin dhe kanë folur duke pëshpëritur, duke thyer kështu rregullin numër një të Big Brother, që është transparenca me publikun. Prandaj, vëllai i madh ka vendosur që ditën e martë t’ju penalizojë të gjithëve. Bëni gati valixhet të gjithë.”- është shkruar në zarf.

Menjëherë pas njoftimit të zarfit të papritur, banorët të shqetësuar kanë nisur diskutimet rreth thyerjes së rregullave dhe janë munduar të gjejnë personat që janë përpjekur të fikin mikrofonat e të flasin duke pëshpëritur.

revista.one/