Dua Lipa do të këndojë duet me legjendarin Elton John, po bëjnë prova në Londër

“Jam shumë i lumtur që më në fund u takova me @DUALIPA”, shkruan ndër të tjera legjendari Elton John në Twitter.

“Provat u bënë! Jam shumë i lumtur që më në fund u takova me Dua Lipën. Tepër e talentuar sot për provën tonë #EJAFOscars! Ne do të bëjmë një performancë ekskluzive të duetit në 25 prill” shkroi Sir Elton John.

Njëkohësisht, edhe Dua konfirmoi takimin për ndjekësit e saj. Ajo ka ndarë në Instagram një foto ku shihet krah të madhit Elton John.

Dua tregoi se do të këndojë në eventin e organizuar nga “Elton John AIDS Fountation” për t’ju ardhur në ndihmë të rinjve me HIV.

“Shikoni kë takova më në fund sot në prova!” shkroi ajo në mbishkrimin e fotografisë.

“Unë jam aq e ngazëllyer dhe e nderuar që do të performoj në #EJAFOscars, më 25 Pril,l me Elton John. Në mbështetje të punës mahnitëse që EJAF po bën për të ndihmuar të rinjtë në të gjithë botën që jetojnë me ose në rrezik të HIV-it”, shkroi Dua Lipa.

“Unë u trondita kur mësova se ka 1600 raste të reja me HIV tek të rinjtë, çdo ditë. Ju lutemi, bashkohuni me mua në ngritjen e vetëdijes në mënyrë që t’i japim fund stigmës së HIV-it !” apeloi këngëtarja.

Këngëtarja dhe komediani David Walliams u panë të enjten duke bërë rrugën për në një hotel në Londër. Ata shkonin në provën e pjesëmarrjes në eventin e organizuar nga Sir Elton John.

Ky nuk është bashkëpunimi i parë mes tyre. Në nëntor 2020 ata biseduan online për projektin madhështor të Lipës, Studio 2054. Elton John shprehej se nuk mund t’a besonte që ata nuk ishin takuar personalisht, /revista.one/