Komisioneri Varhelyi sot në Tiranë, sjell me vete sasitë e vaksinave nga Pfizer

Komisioneri Varhelyi sot në Tiranë, sjell me vete sasitë e vaksinave nga Pfizer

May 5, 2021 0

Komisioneri për Zgjerim dhe Fqinjësi Oliver Varhelyi, mbërrin sot në Tiranë. Ai do të dorëzojë sasitë e para të vaksinave të Pfizer të sponsorizuara nga BE.

Gjatë vizitës së tij komisioneri Evropian do të takohet me Kreyministrin Edi Rama, me të cilin do të zhvillojë edhe një konferencë në orën 10:00, konfirmo për Report TV zyra e Bashkimit Evropian në Tiranë.

Në fund të fund të vizitës së tij të shkurtër në Tiranë, ai do të zhvillojë edhe një takim me kreun e Partisë Demokratike, Lulzim Basha.. Orari për takimin nuk është përcaktuar ende.

Vizita e Komisionerit për Zgjerim ka si fokus kryesor ndihmën e BE për Shqipërinë për të përballuar pandeminë. Ne kete kuader vjen pjesa e parë e 145 mijë vaksinave të Pfizer, të financuara nga Bashkimi Evropian.

Të hënën komisioneri Evropian ka nisur turin e tij në Ballkanin Perëndimor. E para ndalesë për Varhelyi ishte Serbia, ku ai u takua me kryeministren Ana Bërnabiç. Ditën e sotme komisioneri ka qëndruar në Bosnjë Hercegovinë, më pas do të ndalet në Malin e Zi dhe Maqedoninë e Veriut. Vizitën e tij ai do ta mbyllë në Kosovë. (ne perditesim)

revista.one/