Kush do ta fitojë Big Brother Vip? Ç’do të ndodhë mes Donaldit dhe Beatrix? Zgjedhjet e parashikueses së fatit

Parashikuesja e fatit, Irini Kakacaj e ftuar në emisionin “Shqipëria Live” në Top Channel ka treguar se cfarë dos të ndodhë në vijim me treshen më të komentuar të ditëve të fundit.

Sipas saj ka një lojë mes Beatrix dhe Donaldit dhe se ky i fundit do të kthehet tek Bora.

Irini thekson se ata nuk e kanë përfunduar lidhjen e tyre, por ka ndodhur një keqkuptim që ka sjellë këto reagime.

“Është futur në një bela, është i ngatërruar, por i ka sqaruar gjërat, do kthehet tek dashuria jashtë, do të bëjnë familje, është një djalë i prekur, është një djalë i paparë. Është me dashurinë e vjetër, është bërë një keqkuptim. Ai dashuron shpejt, ka frikë aty në shtëpi. Ata i kanë shpjeguar gjërat vetë njëri tjetrit, por është një djalë që ka lindur me fat”, tha ajo.

Kujtojmë se puthja mes Donaldit dhe Borës e ndodhur javë më parë mbajti të gjitha zemrat pezull, duke krijuar idenë se ata do të riktheheshin me njëri-tjetrin.

Por afrimiteti i Donaldit me Beatrix solli reagime të shumta dhe konfuzime, ndërsa të premten djali tha se ai ka një pëlqim të madh për Beatrix.

Ajo ka rrëfyer se cili ishte parashikimi i parë që i kishte ndodhur shumë vite më parë, një shenjë që i dha sinjal se kishte një aftësi ndryshe.

“Pashë një parashikim në Ksamil, vdekjen e vajzës së shoqes sime, isha në shtëpi. mami na tha që që mos të dalim jashtë, trupi im po dridhej dhe më tha shoqja që hajde luajmë me litar, pastaj pashë që po loznim dhe i ra bunkieri, nga frika i thashë mamit, por ajo më tha vetëm mos dil jashtë“, tha ajo.

Sipas Kakacajt, të gjithë janë të dashuruar jashtë Big Brother dhe kanë hyrë aty për të bërë lojë.

Është e vërtetë lidhja mes Beatrix dhe Donald?

“Është një lojë siç  e keni parë edhe juve, do dalin dhe secili do të shkojë një shtëpinë e tij nuk ka dashuri”, tha ajo.

Parashikuesja ka dhënë edhe nga një koment për disa prej banorëve.

Iliri/ “I zgjuar dhe i fortë, por nuk do të jetë fituesi.”

Arjola/ “Është e fortë, as kjo nuk do të jetë fituesja, është me krakter, në cdo gjë që do e arrin, por ka dy fytyra që i nxjerr sipas situatave, të egër dhe ka një tjetër, është politikane.”

Einxhel/ “Është shumë e bla bla, e prekshme, mërzitet shpejt, ka karakter të dobët, jo nuk do e fitojë.”

Beniada/ “Është modele, as kjo nuk është fituese, është e vuajtur, është plagosur shumë herë, e ka treguar veten e saj. “

Donaldi / “100% do të fitojë.”

Beatrix/ Jo, nuk do të shkojë deri në grupin e fundit, nuk është e dashuruar, është e dashuruar jashtë lojës.”

Sara/ “Do jetë deri tek afërsisht grupi i fundit.”

Monika/ “ Shumë politikane, grua, e fortë, por nuk fiton.”

Nuk dihet ende se si do të jetë fati i banorëve të shtëpisë më të famshme në Shqipëri, ndërsa surprizat dhe debatet do t’i shoqërojnë gjithmonë.