Kush është 32-vjeçari i kthyer nga Spanja që plagosi të dashurën në hotel dhe ia mbathi

Zbardhen detaje nga plagosja e ndodhur në autostradën Tiranë-Durrës, ku një 32-vjeçar qëlloi me pistoletë një vajzë 23 vjeçe, në ambientet e një hoteli.

Autor i plagosjes është shtetasi Fatbardh Dervishi, i cili njihet edhe me mbiemrin Doda, dhe kishte ardhur nga Spanja pak ditë më parë.

Siç mëson gazetarja Bezat, dy të rinjtë ishin të dashur me njëri-tjetrin dhe dyshohet se 32-vjeçari ka qenë në gjendje të dehur, kur i është shkrepur arma aksidentalisht, duke plagosur të renë në shpatull.

Menjëherë pas plagosjes, djali ka ikur nga hoteli, duke e lënë 23-vjeçaren E. Koroveshi vetëm në dhomë. Kanë qenë punonjësit e hotelit, të cilët kanë njoftuar policinë dhe kjo e fundit ka transportuar me ambulancë të renë në spital. Ndërkohë, policia ka ngritur pika të shumta kontrolli për kapjen e autorit të plagosjes.

Vajza, e cila u dërgua në spital ku ndodhet jashtë rrezikut për jetën ka deklaruar se është qëlluar padashje nga i dashuri me të cilin ishte në hotel. Sipas saj, ai ka qenë i dehur dhe arma i është shkrepur pa dashje. Ajo tha se po festonin nisjen e vitit të ri 2022 në hotel. revista.one/