Ledjana rikthehet në “Për’Puthen Prime”, flet për Mevlanin dhe hyrjen e vëllait të tij

Ledjana Prenga ishte e ftuar mbrëmë në “Për’puthen Prime”.

Ish-konkurrentja tregoi se nuk flet më me Mevlanin dhe nuk ka folur që pas daljes nga emisioni. Madje, ajo tregoi se i ka bërë bllok kudo dhe vazhdon ta ketë.

E pyetur nëse është penduar për këtë histori, Ledjana u përgjigj se kjo ishte një histori e mbyllur.

Gjithashtu, ish-konkurrentja tregoi se ka dëgjuar për pjesëmarrjen në emision të vëllait të Mevlanit dhe i uroi atij suksese. Megjithatë, ajo u shpreh se nëse do të kishte qenë vëllai i saj, ajo s’do të ishte dakord për hyrjen e tij në emision.

Duket se fakti që nuk e gjeti dot dashurinë në emision, e bëri Ledjanën skeptike për formatin “Për’puthen”.

Kujtojmë se çifti u ndan pa asnjë sqarim. Pavarësisht mos komunikimit dhe fshirjes së këngës nga YouTube, Mevlani ka vazhduar ta këndojë këngën në evente, ku ka qenë i ftuar.