Nesër kemi dasëm! Rezarta Shkurta martohet me Ermal Hoxhën

Këngëtarja e njohur shqiptare, Rezarta Shkurta së bashku me partnerin e saj, Ermal Hoxhën, prej kohësh kanë deklaruar së do të bëjnë një dasmë dhe ky moment duket se po realizohet.

Këtë e ka bërë të ditur së fundmi vet artistja përmes një postimi të ndarë me fansat në InstaStory.

Ajo tregon se dyshja do të kurorëzojnë dashurinë e tyre me martesë më 12 korrik (e hënë).

“12 korrik 2021. Dita jonë. Rezarta Ermal”, thuhet në postimin e shpërndarë me mijëra fansat.

Krijuesja e “Gjysma ime” nuk ka njoftuar më shumë rreth asaj se si dhe ku do të zhvillohet dasma.

Sidoqoftë, ata janë së bashku që shumë vite dhe kanë edhe një vajzë të quajtur, Hera.

Rezarta solli në jetë vajzën në tetor të vitit 2013.